ప్రస్తుతం త్రివిక్రమ్(Trivikram), మహేష్ బాబు(Mahesh Babu) కాంబినేషన్లో ‘గుంటూరు కారం’ అనే సినిమా(Guntur Karam Movie) తెరకెక్కుతున్న సంగతి తెలిసిందే. రీసెంట్‌గానే సమ్మర్ గ్యాప్ తీసుకొని ఈ సినిమా షూటింగ్‌ స్టార్ట్ చేశారు. హీరోయిన్ పూజా హెగ్డే ప్లేస్‌లో మీనాక్షి చౌదరిని తీసుకొని రీషూట్ చేస్తున్నట్టు సమాచారం. ఈ సినిమాలో యంగ్ బ్యూటీ శ్రీలీల(Srileela) లీడ్ రోల్ చేస్తోంది. తమన్ సంగీతం అందిస్తున్నాడు. హారికా హాసిని క్రియేషన్స్ బ్యానర్ పై భారీ బడ్జెట్‌తో ఈ సినిమాను నిర్మిస్తున్నారు. తాజాగా ఈ సినిమాలో బ్రహ్మానందం(Bramhanandam) కూడా జాయిన్ అవనున్నట్టు తెలుస్తోంది. గతంలో త్రివిక్రమ్ చేసిన సినిమాల్లో బ్రహ్మికి సపరేట్ ట్రాక్ రాసుకునేవాడు.
చదవండి: Game Changer: ‘గేమ్ ఛేంజర్’ రిలీజ్ ఇప్పట్లో కష్టమే.. ఇదే క్లారిటీ!
అతడు మొదలుకొని.. సన్ ఆఫ్ సత్యమూర్తి వరకు బ్రహ్మి కామెడీ(Bramhanandam Comedy) హైలెట్‌గా నిలిచింది. అతడు, ఖలేజా, జులాయి, అత్తారింటికి దారేది, జల్సా, సన్ అఫ్ సత్యమూర్తి సినిమాల్లో బ్రహ్మానందం కామెడీ నెక్స్ట్ లెవల్ అనేలా ఉంటుంది. కానీ అఆ, అజ్ఞాతవాసి, అరవింద సమేత వీరరాఘవలో బ్రహ్మానందంను తీసుకోలేదు త్రివిక్రమ్. అయితే చివరగా అల్లు అర్జున్ నటించిన అల వైకుంఠ పురములో సినిమాలో మాత్రం.. రాములో రాములో పాటలో జస్ట్ అలా వచ్చి ఇలా వెళ్లిపోయాడు బ్రహ్మి. కానీ ఫుల్ ఫ్లెడ్జ్‌గా బ్రహ్మి, త్రివిక్రమ్ కాంబినేషన్ పడి ఎనిమిదేళ్లు దాటిపోయింది. ఆ మధ్య బ్రహ్మానందం సినిమాలు తగ్గించడమే ఇందుకు కారణమని చెప్పొచ్చు.
చదవండి: Ramcharan, NTR: గ్లోబల్ స్టార్స్ తారక్, చరణ్ లకు అరుదైన ఘనత
అయితే ఇప్పుడు బ్రహ్మీ మళ్లీ ట్రాక్‌లోకి వచ్చేశారు. వరుస సినిమాలు చేస్తున్నారు. ఈ క్రమంలోనే.. ఇప్పుడు గుంటూరు కారం(Guntur Karam Movie)లో బ్రహ్మి కోసం అదిరిపోయే క్యారెక్టర్ డిజైన్ చేశాడట త్రివిక్రమ్. అదికూడా మహేష్ బాబు చెప్పడం వల్లే బ్రహ్మికి కామెడీ ట్రాక్ పడిందని అంటున్నారు. గతంలో మహేష్, త్రివిక్రమ్(Trivikram) కాంబోలో వచ్చిన అతడు, ఖలేజా సినిమాలో.. మహేష్, బ్రహ్మి కాంబో సీన్స్ నవ్వులు పూయించాయి. అందుకే మరోసారి గుంటూరు కారంలో ఆ మ్యాజిక్‌ని రిపీట్ చేసేందుకు రెడీ అవుతున్నారట. మరి మహేష్, బ్రహ్మి కాంబో కామెడీ ఎలా ఉంటుందో తెలియాలంటే.. 2024 సంక్రాంతి వరకు వెయిట్ చేయాల్సిందే.
