Nitin Gadkari biopic release date Anurag Rajan Bhusari
Nitin Gadkari: స్వాతంత్య్ర సమరయోధులు, రాజకీయ నాయకులు, ప్రముఖుల బయోపిక్‌లు(biopic) తెరకెక్కించడం కొత్తేమి కాదు. చరిత్ర సృష్టించిన లెజెండ్స్ జీవిత చరిత్రలకు ఫిల్మ్ మార్కెట్లో మంచి డిమాండ్ ఉంటుంది. అందుకే దశాబ్ద కాలంగా ఇండియన్ ఫిల్మ్ ఇండస్ట్రీ బయోపిక్‌ల పై దృష్టి సారిస్తోంది. మహాత్మా గాంధీ నుంచి మొదలు ఇందిరాగాంధీ, అంబేద్కర్, ఎంఎస్ ధోని లాంటి ఎందరో ప్రముఖుల బయోపిక్‌లను తెరకెక్కించారు. అక్టోబర్ 6న థియేరట్స్‌లో విడుదలైన 800 మూవీ శ్రీలంక క్రికెటర్‌ ముత్తయ్య మురళీధరన్‌ జీవితం ఆధారంగా రూపొందించిందే. ప్రస్తుతం ఈ చిత్రం మంచి టాక్‌తో బాక్స్ ఆఫీస్ వద్ద కలెక్షన్ల వర్షం కురిపిస్తోంది.
ఇక అసలు విషయానికి వస్తే భారత రోడ్డు రవాణా, రహదారుల శాఖ మంత్రి నితిన్ గడ్కరీ(Nitin Gadkari) జీవితం ఆధారంగా సినిమా తెరకెక్కుతున్న విషయం తెలిసిందే. అనురాగ్ రాజన్ భూసరి( Anurag Rajan Bhusari) దర్శకత్వంలో అక్షయ్ అనంత్ దేశ్ముఖ్ రూపోందిస్తున్న ఈ చిత్రం ప్రస్తుతం సోషల్ మీడియాలో ట్రెండింగ్లో ఉంది. ఈ చిత్రానికి సంబంధించిన విడుదల తేదీని ప్రకటించారు మేకర్స్. దీంతోపాటు ఫస్ట్ లుక్ పోస్టర్‌ను కూడా విడుదల చేశారు. బ్యాక్ షాట్‌లో ఉన్న ఈ పోస్టర్లో నితిన్ గడ్కరీ పాత్ర ఎవరు పోషిస్తున్నారనే విషయాన్ని చిత్ర యూనిట్ తెలుపలేదు. ఈ పోస్టర్‌ను చూసిన ప్రేక్షకులకు ఈ చిత్రంపై మంచి అంచనాలు ఏర్పడ్డాయి.
చదవండి:Navadeep: డ్రగ్స్ కేసులో హీరో నవదీప్‌కు ఈడీ నోటీసులు
