అక్కినేని నాగ చైతన్య, సమంత ఎప్పుడు కూడా హాట్ టాపికే.. ఈ ఇద్దరి గురించి ఎలాంటి న్యూస్ వచ్చిన క్షణాల్లో వైరల్‌ అవుతుంది. ఇక ఇప్పుడు నాగచైతన్యను టార్గెట్ చేసిందవరనేది.. ఇంట్రెస్టింగ్‌గా మారింది. అయితే ఈ సారి చైతూ టార్గెట్ అయింది సమంత విషయంలో కాదు.. అప్ కమింగ్ ఫిల్మ్ కోసం. ఇటీవల థ్యాంక్యూ, లాల్ సింగ్ చడ్డా సినిమాలతో బ్యాక్ టు బ్యాక్ ఫ్లాప్స్ అందుకున్నాడు నాగ చైతన్య. దాంతో అప్ కమింగ్ సినిమాతో ఎలాగైనా హిట్ కొట్టాలని చూస్తున్నాడు. ఈ క్రమంలో కోలీవుడ్ డైరెక్టర్ వెంకట్ ప్రభుతో ఓ సినిమా చేస్తున్నాడు. ఇందులో కృతిశెట్టి హీరోయిన్‌గా నటిస్తోంది. NC22 పేరుతో తెరకెక్కుతున్న ఈ సినిమా తాజాగా సెట్స్‌ పైకి వచ్చేసింది.
ఇదే విషయాన్ని ఓ సాలిడ్ పోస్టర్‌తో ప్రకటించారు మేకర్స్. అయితే ఇందులో చైతన్య లుక్‌ను పూర్తిగా రివీల్ చేయలేదు. యాక్షన్ థ్రిల్లర్‌గా తెరకెక్కనున్న ఈ చిత్రంలో పవర్ ఫుల్ పోలీస్ ఆఫీసర్‌గా కనిపించనున్నాడు చైతూ. అందుకే చీకట్లో పోలీస్ యూనిఫామ్‌తో చైతన్యను చూపించారు. అలాగే అతని పై లేజర్ గన్స్ టార్గెట్ చేసినట్టుగా ఉంది. దాంతో ఈ సినిమాలో చైతూ భారీ స్టంట్స్ చేయడం పక్కా అని చెప్పొచ్చు. శ్రీనివాస సిల్వర్ స్క్రీన్ బ్యానర్‌పై రూపొందుతున్న ఈ చిత్రానికి.. ఇళయరాజతోపాటు యువన్ శంకర్ రాజా కూడా సంగీతం అందిస్తున్నారు. ఇక వరుస ఫెయిల్యూర్స్ చూసిన కృతిశెట్టి.. ఈ సినిమా పైనే భారీ ఆశలు పెట్టుకుంది. దాంతో చైతూతో పాటు కృతికి కూడా ఈ సినిమా ఎంతో కీలకం అనే చెప్పొచ్చు.
