Megastar Bholashankar has completed shooting
మెగాస్టార్ చిరంజీవికి(Megastar Chiranjeevi) బాక్స్ ఆఫీస్ వద్ద ప్రత్యేకమైన ఇమేజ్ ఉంది. కొంతకాలం రాజకీయాలు చేసి మళ్లీ సినిమాలకు రీఎంట్రీ ఇవ్వగానే అభిమానులు మనసార స్వాగతించారు. ఇక చిరు కూడా తన సెకండ్ ఇన్నింగ్స్‌ మొదలు పెట్టిన తరువాత వరుస సినిమాలతో దూసుకుపోతున్నారు. తాజాగా యంగ్ డైరెక్టర్ బాబి దర్శకత్వంలో వచ్చిన వాల్తేరు వీరయ్య(waltair Veerayya) మూవీ బాక్స్ ఆఫీస్ వద్ద బ్లాక్ బాస్టర్ హిట్ గా నిలిచింది. దీంతో మెగాస్టార్(Megastar) స్టామినా ఏంటో మరో సారి రుజువైంది. చిరంజీవి తరువాతి సినిమా భోళాశంకర్(Bholashankar) మెహర్ రమేష్(Mehar Ramesh) దర్శకత్వంలో తెరకెక్కుతున్న విషయం తెలిసిందే. తాజాగా ఈ చిత్రం నుంచి కీలక అప్డేట్ వచ్చేసింది. గత కొన్ని నెలలుగా షూటింగ్ జరుపుకుంటున్న ఈ సినిమా షూటింగ్ పూర్తి అయినట్లు, సెట్లో గుమ్మడికాయ కొట్టేసినట్లు డైరెక్టర్ మెహార్ రమేష్ ప్రకటించారు. ప్రస్తుతం దీనికి సంబంధించిన ఫోటోలు సోషల్ మీడియాలో చెక్కర్లు కొడుతున్నాయి.
చదవండి:Animal: ‘యానిమల్‌’ వాయిదా, కొత్త రిలీజ్ డేట్ ఇదే!
బాస్ ఈజ్ బ్యాక్ తరువాత చిరంజీవిని వింటేజ్(Chiranjeevi Vintage Look) లుక్ లో చూపించిన చిత్రం వాల్తేరు వీరయ్య. ఇప్పుడు భోళా శంకర్ సినిమాలో కూడా చిరంజీవి వింటేజ్ లుక్ లోనే సందడి చేయనున్నట్లు తెలుస్తుంది. ఈ మేరకు చిత్ర దర్శకుడు మెహార్ రమేష్ సినిమా పూర్తి అయినట్లు సెట్ లో చిరంజీవితో తీసుకున్న ఫోటోలను తన సోషల్ మీడియా అకౌంట్లో షేర్ చేశారు. ఫోటోలతో పాటు పగలు, రాత్రి అన్న తేడా లేకుండా కష్టపడ్డ భోళా శంకర్ యూనిట్ సభ్యలందరకీ ధన్యవాదాలు తెలిపారు. ఇప్పటికే పోస్ట్ ప్రొడక్షన్ పనులు కూడా శరవేగంగా కొనసాగుతున్నాయని తెలిపారు. ఇక ప్రమోషన్స్ కార్యక్రమాలు, సాంగ్స్ రిలీజ్ లకు సంబంధించిన పనులు ఉన్నట్లు తెలిపారు. భోళా శంకర్ చిత్రం ఆగస్ట్ 11న ప్రపంచ వ్యాప్తంగా విడుదలవుతుంది. ఈ సినిమాలో చిరంజీవికి జోడిగా తమన్నా(Thamanna) నటించగా. కీర్తి సురేష్(Keerthi Suresh) మెగాస్టార్ చెల్లెలు పాత్ర పోషించింది. అక్కినేని సుశాంత్ మరో కీలక పాత్రలో కనిపించనున్నాడు.
చదవండి:Godavari : యానం గోదావరిలో వలకు చిక్కిన భారీ పండుగప్ప..వీడియో ఇదిగో!
