అప్పుడెప్పుడో అనగనగా ఓ ధీరుడు సినిమాలో విలన్‌గా నటించిన మంచు లక్ష్మీ.. ఆ తర్వాత కొన్ని సినిమాల్లో నటించింది. ప్రస్తుతం అగ్ని నక్షత్రం అనే సినిమాలో నటిస్తోంది. త్వరలోనే ఈ చిత్రం రిలీజ్‌కు రెడీ అవుతోంది. ఇక సినిమాలే కాకుండా సమాజ సేవ కూడా చేస్తోంది లక్ష్మీ. 2014లో టీచ్ ఫర్ ఛేంజ్‌ను స్థాపించి.. ప్రభుత్వ పాఠశాలలో విద్య నాణ్యతను మెరుగుపరచడమే లక్ష్యంగా ముందుకు సాగుతోంది. ఇప్పటికే హైదరాబాద్‌, బెంగళూరు, విజయవాడ, వైజాగ్‌లలో చురుగ్గా ఉన్నఈ సంస్థ.. ఇటీవల ముంబై, ఢిల్లీ, లక్నో, చెన్నైలకు కూడా తన కార్యకలాపాలను విస్తరించింది.
చదవండి: Vijay Antony: అప్పుడు తండ్రి, ఇప్పుడు కూతురు..’మీరా’ ఆత్మహత్యకు కారణం అదేనా?
గతేడాది యాదాద్రి భువనగిరి జిల్లాలో 56 పాఠశాలలను దత్తత తీసుకున్న లక్ష్మీ.. ఈ ఏడాది టీచ్ ఫర్ ఛేంజ్‌ కార్యక్రమంలో భాగంగా.. గద్వాల జిల్లాలో 30 ప్రభుత్వ పాఠశాలల దత్తత తీసుకుంది. ఇలా సినిమాలు, సమాజ సేవతో బిజీగా ఉన్న లక్ష్మీ.. ఇప్పుడు రాజకీయాల్లోకి రావడానికి సిద్దమైనట్టు తెలుస్తోంది. తాజా సమాచారం ప్రకారం.. పీఎం ఆఫీస్ నుంచి లక్ష్మీ ఫోన్ వచ్చినట్టు తెలుస్తోంది. రేపే లక్ష్మీ ఢిల్లీకి పయనమవుతుందని.. బీజెపి కండువా కప్పుకోవడం ఖాయమనే టాక్ నడుస్తోంది. ఇదే జరిగితే.. ఒక్క మంచు ఫ్యామిలీలోనే మూడు పార్టీల పోరు ఖాయం.
చదవండి: Mohan Babu: జయసుధ ఫోన్ లాక్కున్న మోహన్ బాబు.. వీడియో వైరల్
ఒకప్పుడు టీడీపీలో ఉన్న మోహన్ బాబు.. ఇప్పుడు వైఎస్సార్సీపీకి సపోర్ట్ చేస్తున్నాడు. విష్ణు కూడా తండ్రి పార్టీలోనే ఉన్నాడు. కానీ మంచు మనోజ్ మాత్రం టీడీపీకి సపోర్ట్ చేస్తున్నాడు. ఇక ఇప్పుడు ఈ రెండు పార్టీలు కాకుండా మంచు లక్ష్మీ.. బీజేపీ లో చేరనున్నట్లు వార్తలు వినిపిస్తున్నాయి. ఇదే కనుక నిజమైతే.. మంచు కుటుంబంలో వివాదాలు తప్పనిసరి అని చెబుతున్నారు.
