సూపర్ స్టార్ మహేష్ బాబు, మాటల మాంత్రికుడు త్రివిక్రమ్ కాంబినేషన్లో హ్యాట్రిక్ సినిమా తెరకెక్కుతున్న సంగతి తెలిసిందే. ఇటీవలె ఈ సినిమా సెట్స్ పైకి వెళ్లింది. ప్రస్తుతం రామోజీ ఫిలిం సిటీలో హై ఓల్టేజ్ యాక్షన్ సీక్వెన్స్‌ను తెరకెక్కిస్తున్నాడు త్రివిక్రమ్. ఇందులో మహేష్ బాబుతో రెండోసారి రొమాన్స్ చేస్తోంది పూజాహెగ్డే. అలాగే అరవింద సమేత, అల వైకుంఠపురములో తర్వాత.. మరోసారి త్రివిక్రమ్ సినిమాలో నటిస్తోంది. దాంతో ఈ క్రేజీ కాంబినేషన్ పై భారీ అంచనాలున్నాయి. ఇక అంతకు మించి అన్నట్టు ఇందులో మహేష్ బాబు క్యారెక్టరైజేషన్ కొత్తగా ఉంటుందని ముందు నుంచి వినిపిస్తోంది. ఇప్పటికే మహేష్ బాబు రఫ్ లుక్ సోషల్ మీడియాను షేక్ చేసేసింది. లైట్‌గా గడ్డంతో రగ్డ్‌ లుక్‌లో మాసీగా కనిపిస్తున్నాడు ప్రిన్స్.
తాజాగా ఈ సినిమా షూటింగ్‌లో ఓ సెల్ఫీ తీసుకొని తన సోషల్ మీడియా అకౌంట్‌లో షేర్ చేశాడు మహేష్. అయితే ఇక్కడ మరో విశేషం ఏంటంటే.. ఈ లేటెస్ట్ సెల్ఫీని ఐ ఫోన్ 14 మాక్స్ ప్రో మొబైల్‌తో దిగినట్టు.. రెస్ట్ అండ్ రీఛార్జ్ అంటూ పోస్ట్ చేశాడు మహేష్. దాంతో ఇదేదో ఐ ఫోన్ కొత్త వెర్షన్‌ను ప్రమోట్ చేసే విధంగా ఉందనే సందేహాలు వెలువడుతున్నాయి. కానీ ప్రజెంట్ ఈ పిక్ సోషల్ మీడియాలో వైరల్‌గా మారింది. ఇదిలా ఉంటే.. SSMB 28 వర్కింగ్ టైటిల్‌తోనే ఈ సినిమాను మొదలు పెట్టారు. దాంతో ఈ సినిమా టైటిల్‌ను దసరాకి అనౌన్స్ చేసే ఆలోచనలో ఉన్నట్టు తెలుస్తోంది. త్వరలోనే దీనిపై క్లారిటీ రానుందని సమాచారం. అన్నట్టు ఈ సినిమాకు ‘అర్జునుడు’ అనే టైటిల్ పరిశీలనలో ఉంది. హారికా హాసిని క్రియేషన్స్ బ్యానర్ పై సూర్యదేవర నాగవంశీ నిర్మిస్తున్న ఈ సినిమాకు.. తమన్ సంగీతం అందిస్తున్నాడు.
