rc15 movie title
రామ్ చరణ్-శంకర్ కాంబోలో తెరకెక్కుతున్న ఆర్సీ 15 పై భారీ అంచనాలున్నాయి. దాంతో ఈ సినిమా అప్టేట్ కోసం ఈగర్‌గా వెయిట్ చేస్తున్నారు మెగాభిమానులు. ఇప్పటికే చాలా భాగం షూటింగ్ కంప్లీట్ చేసుకున్నప్పటికీ.. ఈ సినిమా నుంచి ఎలాంటి అప్టేట్ రావడం లేదు. ఈ క్రమంలో ఈ సినిమా టైటిల్ అండ్ ఫస్ట్ లుక్ పై లేటెస్ట్ బజ్ ఒకటి జోరుగా వినిపిస్తోంది. ప్రస్తుతం శంకర్.. RC15తో పాటు భారతీయుడు-2 చిత్రాన్ని కూడా ఏకకాలంలో తెరకెక్కిస్తున్నాడు.
ఇటీవలే ఇండియన్ 2ని తిరిగి పట్టాలెక్కించిన సంగతి తెలిసిందే. అయితే ఇప్పుడు ఈ సినిమా ఓ షెడ్యూల్‌ను పూర్తి చేసుకున్నట్టు తెలుస్తోంది. దాంతో మళ్లీ RC15 షూటింగ్ మొదలు పెట్టాడు శంకర్. ప్రస్తుతం రాజమండ్రిలో చిత్రీకరణ జరుగుతున్నట్టు సమాచారం. ఈ షెడ్యూల్‌లో ఫ్లాష్ బ్యాక్ ఎపిసోడ్‌లో వచ్చే చరణ్ తండ్రి పాత్రకు సంబంధించిన షూటింగ్ జరుగుతోందని తెలుస్తోంది. ఇప్పటికే చరణ్ తన లుక్‌ని మార్చేశాడు.. రీసెంట్‌గా తన పెట్ డాగ్‌తో ఉన్న ఓ ఫోటోని సోషల్ మీడియాలో షేర్ చేశాడు చరణ్. దాంతో ఆర్సీ 15 లేటెస్ట్ షెడ్యూల్ లుక్ ఇదేనని అంటున్నారు.
ఈ నేపథ్యంలో ఆర్సీ 15 టైటిల్ ఫస్ట్ లుక్‌కు ముహూర్తం ఫిక్స్ చేసినట్టు ప్రచారం జరుగుతోంది. లేటెస్ట్ బజ్ ప్రకారం.. దీపావళి కానుకగా టైటిల్‌తో పాటు ఫస్ట్ లుక్ వచ్చే ఛాన్స్ ఉందని సమాచారం. అయితే ఇంతకు ముందు లాగే.. ఇది కేవలం బజ్ మాత్రమేనా.. లేక నిజంగానే టైటిల్ రివీల్ చేస్తారా.. అనేది తెలియాల్సి ఉంది. కానీ దీపావళికి ఏదో ఒక అప్టేట్ మాత్రం పక్కాగా ఉంటుందని టాక్. ఇక ఈ సినిమాకు సర్కారోడు, ఆఫీసర్ అనే టైటిల్స్ పరిశీలనలో ఉన్నాయి. మరి దీనిపై త్వరలో క్లారిటీ వస్తుందేమో చూడాలి.
ఇది కూడా చూడండి: ఆదిపురుష్ టీం, హీరో ప్రభాస్‌కు కోర్టు నోటీసులు
