ఆర్ఆర్ఆర్(RRR) సినిమాలోని నాటు నాటు(Naatu Naatu) పాటకు అంతర్జాతీయ అత్యున్నత సినీ పురస్కారం ఆస్కార్ లభించిన సంగతి తెలిసిందే. ఈ నేపథ్యంలో ఆర్ఆర్ఆర్(RRR) టీమ్ ను పలువురు సత్కరిస్తున్నారు. తాజాగా నాటు నాటు పాట రాసిన సినీ గేయ రచయిత చంద్రబోస్(Chandrabose)ను తెలంగాణ సాహిత్య అకాడమీ తరపున రవీంద్రభారతిలో తెలంగాణ మంత్రి శ్రీనివాస్ గౌడ్ సన్మానించారు.
చదవండి: Madhuri Dixit: స్టార్ హీరోయిన్ మాధురీ దీక్షిత్కు అవమానం..నెట్ఫ్లిక్స్‌కు నోటీసులు!
కార్యక్రమానికి విచ్చేసిన ఆర్ నారాయణ మూర్తి(R Narayana murthy) మాట్లాడుతూ..తెలంగాణ ముద్దుబిడ్డకు ఆస్కార్ అవార్డు రావడం మహా అద్భుతమన్నారు. ఆస్కార్ విజేతలను ఏపీ, తెలంగాణ ప్రభుత్వాలు గొప్పగా సత్కరించాలన్నారు. అప్పుడే కళాకారులందరూ సంతోషిస్తారన్నారు. ఈ పాటలో వాడిన తెలంగాణ మాండలికానికి ఆస్కార్‌తో మహా గౌరవం దక్కిందన్నారు.
చదవండి: Heroine Taapsee: హీరోయిన్ తాప్సీపై కేసు నమోదు
తెలంగాణ(Telangana) టూరిజం, స్పోర్ట్స్, కల్చర్ మినిస్టర్ శ్రీనివాస్ గౌడ్(Srinivasa Goud) మాట్లాడుతూ..ఇండియన్ సినిమా అయిన తెలుగు సినిమాకు ఆస్కార్(Oscar) రావడం ఎంతో గర్వకారణంగా ఉందన్నారు. తెలంగాణ ప్రభుత్వం త్వరలోనే ఆస్కార్ విజేతలను ఘనంగా సత్కరిస్తుందని తెలిపారు. ఎదిగే కొద్దీ ఒదిగి ఉండాలనేది చంద్రబోస్(Chandrabose) పాటల్లో కనిపిస్తుందన్నారు. తెలంగాణ పదానికి ఆస్కార్ పట్టం కట్టడం ఎంతో సంతోషంగా ఉందన్నారు. కొత్త, యువ రచయితలు రావాలని, దాని కోసం ప్రభుత్వ సహకారం ఉంటుందని తెలిపారు.
