Shah Rukh Khan : షారుఖ్ ఖాన్.. ఇప్పుడు మళ్లీ బాలీవుడ్ లో టాప్ పొజిషన్ కు చేరుకున్నాడు. దానికి కారణం ఆయన హీరోగా నటించిన బాలీవుడ్ మూవీ పఠాన్ రికార్డులు తిరగరాయడం. అసలు ఇప్పటి వరకు బాలీవుడ్ చరిత్రలో లేని రికార్డులను పఠాన్ తిరగరాసింది. దీంతో షారుఖ్ ఖాన్ మళ్లీ బాలీవుడ్ ఇండస్ట్రీలో టాక్ ఆఫ్ ది టౌన్ అయ్యాడు. గత 10 ఏళ్ల నుంచి ఒక్క హిట్ కూడా లేని షారుఖ్ ఖాన్.. పఠాన్ తో సూపర్ హిట్ కొట్టాడు. అందుకే మంచి జోరుమీదున్నాడు షారుఖ్.
మరోవైపు సినిమా ప్రమోషన్స్ లో మూవీ యూనిట్ తో కలిసి షారుఖ్ కూడా బిజీ బిజీగా గడుపుతున్నాడు. ఈనేపథ్యంలో ఆయన చేతికి ధరించిన వాచ్ ను చూసి అందరూ ఆశ్చర్యపోతున్నారు. మిలమిలా మెరిసిపోతున్న ఆ వాచ్ ను చూసి చాలామంది ఫిదా అవుతున్నారు. దానికి కారణం.. ఆ వాచ్ చూడగానే మెరిసిపోవడం. బ్లూ కలర్ లో ఉన్న ఆ వాచ్ ను చూసి ఎంత బాగుంది వాచ్.. దీని ధర ఎంత అని అనుకుంటున్నారు. ఇటీవల తన స్కిన్ కేర్ రొటీన్ కోసం ఏ ప్రాడక్ట్స్ వాడుతాను అంటూ ఓ వీడియోను దీపికా పదుకొణె రిలీజ్ చేసింది. ఆ వీడియోలో షారుఖ్ కూడా ఉన్నాడు. అప్పుడు కూడా ఈ వాచ్ నే ధరించాడు షారుఖ్. ఆ వాచ్ ను చూసి అందరూ దాని గురించే చర్చిస్తున్నారు.
అది మామూలు వాచ్ కాదు. వందల్లో, వేలల్లో, లక్షల్లో కూడా ఉండదు దాని ధర. అంతకుమించి అని చెప్పుకోవాలి. అడెమర్స్ పిగెట్ అనే లగ్జరీ వాచ్ బ్రాండ్ కు చెందిన ఆ వాచ్ ధర ఎంతో తెలుసా? అక్షరాలా రూ.4.98 కోట్లు. అంటే ఇంచుమించు రూ.5 కోట్లు అన్నమాట. వామ్మో.. అంత ధరనా అంటే.. లగ్జరీ వాచ్ ల ధరలు అలాగే ఉంటాయి మరి. ప్రస్తుతం షారుఖ్ జవాన్ సినిమాలో నటిస్తున్నాడు. ఈ సినిమాలో హీరోయిన్ గా నయనతార నటిస్తోంది. ఈ సంవత్సరం జూన్ లోనే ఆ సినిమా విడుదల కావాల్సి ఉంది. ఇక.. షారుఖ్ ఆస్తుల విషయానికి వస్తే.. ఆయనకు ముంబైలోని బంద్రా బాండ్ స్టాండ్ లో మన్నత్ అనే బంగ్లా ఉన్న విషయం తెలిసిందే. బీఎండబ్ల్యూ సిరీస్ కార్లు కూడా ఆయన దగ్గర ఉన్నాయి. ఢిల్లీలోనూ షారుఖ్ కు పెద్ద బంగ్లా ఉంది.
View this post on Instagram
