తాజాగా జాన్వీకపూర్ తెలుగులో క్రేజీ ఆఫర్ దక్కించుకున్నారు. అది కూడా ఎన్టీఆర్ సరసన నటిస్తోంది. దేవర మూవీ వచ్చే ఏడాది ప్రేక్షకుల ముందుకు రానుంది. అయితే, ఈ మూవీ నుంచి జాన్వీ రోల్ గురించి ఓ న్యూస్ బయటకు వచ్చింది. దాని ప్రకారం ఈ మూవీలో జాన్వీ డీ గ్లామర్ రోల్ చేస్తోందట. నిజానికి ఇలాంటి ఆఫర్ అందరికీ రాదు. జాన్వీకి కెరీర్ మొదలుపెట్టిన తెలుగులో తొలి సినిమాకే దక్కింది. మరి ఈ అవకాశాన్ని ఆమె ఎలా సద్వినియోగం చేసుకుంటుందో చూడాలి.
జాలరి కూతురి పాత్రలో జాన్వీకపూర్ కనిపిస్తుందని, మొత్తం లంగా వోణీల్లోనే జాన్వీని మనం ఈ సినిమాలో చూడబోతున్నాం. ఇక ఆమె షూట్ కూడా వచ్చే నెల నుండి ప్రారంభం కానుంది. ఈ దేవర మూవీకి శివ కొరటాల దర్శకత్వం వహిస్తుండగా, సైఫ్ అలీఖాన్ విలన్ గా నటిస్తున్నారు.
