కొత్త దర్శకులను ఇంట్రడ్యూస్ చేయడంలో.. న్యాచురల్ స్టార్ నాని కూడా ముందు వరుసలో ఉంటాడు. రీసెంట్‌గా రిలీజ్ అయి బ్లాక్ బస్టర్‌గా నిలిచిన దసరా మూవీతో.. శ్రీకాంత్ ఓదెల అనే యంగ్ టాలెంట్‌గాను దర్శకుడిగా పరిచయం చేశాడు న్యాచురల్ స్టార్. ఈ సినిమా స్టార్టింగ్‌లో.. నాని మాస్ లుక్ చూసి.. కంటెంట్ చూస్తే రా అండ్ రస్టిక్‌గా ఉంది..
అది కూడా ఎప్పుడు పక్కింటి కుర్రాడిలా కనిపించే నానితో ‘రా’ మూవీ అంటున్నాడు.. ఇది వర్కౌట్ అయ్యేనా.. అనే డౌట్స్ వచ్చాయి. కానీ నాని నమ్మకాన్ని వమ్ము చేయలేదు శ్రీకాంత్. ఏకంగా వంద కోట్లు కలెక్ట్ చేసి.. దసరా మూవీతో నానికి పాన్ ఇండియా స్టార్ డమ్ తెచ్చిపెట్టాడు.
నాని కెరీర్‌లోనే బిగ్గెస్ట్‌ బ్లాక్ బస్టర్‌గా నిలిచింది దసరా. అంతేకాదు ఫ్లాపుల్లో ఉన్న ఈ సినిమా నిర్మాత సుధాకర్ చెరుకూరికి ఫస్ట్ టైం అదిరిపోయే బ్లాక్ బస్టర్ హిట్ ఇచ్చాడు. దాంతో సంతోషంలో మునిగి తేలుతున్నాడు సుధాకర్ చెరుకూరి. అందుకే దర్శకుడు శ్రీకాంత్ ఓదెలకు ఖరీదైన ‘బీఎమ్‌డబ్లూ’ కార్‌ను గిఫ్ట్‌గా ఇచ్చాడు. కరీంనగర్‌లో జరిగిన దసరా సక్సెస్‌ సెలబ్రేషన్స్‌లో డైరెక్టర్‌కు కారును ప్రజెంట్‌ చేశారు. ఈ కారు ధర 80 లక్షల వరకు ఉండొచ్చని అంటున్నారు.
అలాగే సినిమా కోసం పని చేసిన వారందరికీ 10 గ్రాముల బంగారు నాణెలను కానుకగా ఇచ్చారు. ప్రస్తుతం అందుకు ఉసంబంధించిన ఫోటోలు సోషల్ మీడియాలో వైరల్‌గా మారాయి. మొత్తంగా.. ఫస్ట్ సినిమాతోనే వంద కోట్లు కొట్టేసి.. కాస్ట్లీ గిఫ్ట్ పట్టేశాడు శ్రీకాంత్ ఓదెల.
