టాలీవుడ్ నుంచి వస్తున్న మోస్ట్ అవైటేడ్ పాన్ ఇండియా ప్రాజెక్ట్స్‌లో పుష్ప2 (Pushpa2) పై భారీ అంచనాలున్నాయి. అల్లు అర్జున్, సుకుమార్ కాంబినేషన్ ఈ సారి వెయ్యి కోట్లు కొల్లగొట్టబోతోంది. ప్రస్తుతం పుష్ప2 షూటింగ్ స్టేజ్‌లో ఉంది. వచ్చే ఏడాది ఆగష్టు 15 రిలీజ్ టార్గెట్‌గా పుష్ప2 షూటింగ్ జరుగుతోంది. ప్రజెంట్ రామోజీ ఫిలిం సిటీలో వేసిన భారీ జాతర సెటప్‌లో కొన్ని కీలక సన్నివేశాలు చిత్రీకరిస్తున్నారు. ఈ లాంగ్ షెడ్యూల్‌ ఏకంగా నెల రోజుల పాటు ఉంటుంద‌ని స‌మాచారం. సినిమాలో వచ్చే హైలెట్ సీక్వెన్స్ ఇక్కడే షూట్ చేస్తున్నారట. వందల మంది డాన్స‌ర్ల‌తో జాతర సాంగ్ చిత్రీక‌రిస్తున్నారట.
ఈ పాట‌కి గ‌ణేష్ ఆచార్య కొరియోగ్ర‌ఫీ చేస్తున్నారట. ఏకంగా 1000 మందికి పైగా ఆర్టిస్టులు, డాన్స‌ర్ల‌పై ఈ పాటను షూట్ చేస్తున్నట్టుగా టాక్ నడుస్తోంది. అందుకే.. అన్ని రోజులు స‌మ‌యం ప‌ట్టనుందని తెలుస్తోంది. ప్రస్తుతానికి బన్నీ.. గంగమ్మ జాతరతో బిజీగా ఉన్నాడు. కానీ మధ్యలో మంగళ వారం జాతర కోసం రాబోతున్నాడు. ఆర్ఎక్స్ 100 (RX 100), మహాసముద్రం సినిమా తర్వాత అజయ్ భూపతి దర్శకత్వం వహించిన సినిమా ‘మంగళవారం’. నవంబర్ 17న ఈ సినిమా రిలీజ్ కానుంది. దీంతో ఈ నెల 11న శనివారం హైదరాబాద్ జెఆర్సి కన్వెషన్ సెంటర్‌లో గ్రాండ్‌గా ప్రీ రిలీజ్ ఈవెంట్ నిర్వహిస్తున్నారు. ఈ ఈవెంట్‌కు ఐకాన్ స్టార్ అల్లు అర్జున్ (Allu Arjun) ముఖ్య అతిథిగా రానున్నట్టు అధికారికంగా ప్రకటించారు మేకర్స్. మా జాతరకి పుష్పరాజ్ వస్తున్నాడని వెల్లడించారు. దీంతో తన జాతరను వదిలేసి మంగళవారం జాతరకు వస్తున్నాడు బన్నీ. మొత్తంగా.. ఒకేసారి పుష్ప షూటింగ్ జాతరతో పాటు.. మంగళవారం ఈవెంట్ జాతరతో ఫ్యాన్స్‌కు కిక్ ఇవ్వనున్నాడు బన్నీ.
చదవండి : Vijayendra : కర్ణాటక బీజేపీ చీఫ్‌గా యడ్యూరప్ప కుమారుడు
