‘భగవంత్ కేసరి’.. అన్న దిగిండు.. ఇగ మాస్ ఊచకోత షురూ అంటూ.. రిలీజ్ చేసిన బాలయ్య లుక్‌కు నందమూరి ఫ్యాన్స్ పండగ చేసుకున్నారు. ఇక టీజర్‌తో టెంపర్ లేచిపోయేలా విజిల్స్ వేశారు. ఇక ఇప్పుడు ట్రైలర్‌తో నెవ్వర్ బిఫోర్ అనేలా రాబోతున్నాడు బాలయ్య. అక్టోబర్ 19న భగవంత్ కేసరి సినిమా రిలీజ్‌కు ప్లాన్ చేస్తున్నారు. ఈ క్రమంలో సినిమా ప్రమోషన్స్ స్పీడప్ చేశారు. ఇప్పటికే రెండు పాటలు రిలీజ్ చేయగా మంచి రెస్పాన్స్ వచ్చింది. బాలయ్య, శ్రీలీలపై వచ్చిన గణేష్ సాంగ్, ఉయ్యాల సాంగ్ అదిరిపోయాయి.
చదవండి: Singer Mangli : పెళ్లి పీటలు ఎక్కుతోన్న సింగర్ మంగ్లీ..!
తాజాగా ఇప్పుడు ట్రైలర్ అనౌన్స్మెంట్ ఇచ్చారు. ఈ నెల 8వ తేదిన భగవంత్ కేసరి ట్రైలర్ బ్లాస్ట్‌ జరగబోతుంది అంటూ అనౌన్స్ చేశారు. ఈసారి నెవ్వర్ బిఫోర్ అనేలా బాలయ్యని ఒక సరికొత్త యాంగిల్‌లో చూడబోతున్నారు అంటూ తెలిపారు. ఇక ఈ ట్రైలర్‌ని చాలా గ్రాండ్‌గా బారీ ఈవెంట్‌తో లాంచ్ చేయబోతున్నట్టు తెలుస్తోంది. ఇండస్ట్రీ వర్గాల ప్రకారం.. వరంగల్‌లో ఈ ట్రైలర్ లాంచ్ ఈవెంట్ ఉండే ఛాన్స్ ఉందని అంటున్నారు. కానీ మేకర్స్ నుంచి అఫిషీయల్ అనౌన్స్మెంట్ రావాల్సి ఉంది.
చదవండి: Ramcharan: బాలీవుడ్ బడా దర్శకుడితో రామ్ చరణ్.. ఇది జరిగితే ఓ సంచలనం!
ఇకపోతే నందమూరి బాలకృష్ణ సరసన కాజ‌ల్ అగ‌ర్వాల్‌ హీరోయిన్‌గా నటిస్తున్న ఈ సినిమాలో.. యంగ్ బ్యూటీ శ్రీలీల కీ రోల్ ప్లే చేస్తోంది. తమన్ సంగీతం అందిస్తున్నాడు. ఇప్పటికే ఈ సినిమా షూటింగ్ పూర్తి చేసుకుంది. ప్రస్తుతం శరవేగంగా పోస్ట్ ప్రొడక్షన్ వర్క్స్ జరుపుకుంటుంది. ఈ సినిమా తర్వాత బాబీ ప్రాజెక్ట్‌లో జాయిన్ అవనున్నాడు బాలయ్య. ఇప్పటికే బాలయ్య లుక్ టెస్ట్ కూడా జరిగినట్టుగా తెలుస్తోంది. మరి దసరాకు భగవంత్ కేసరి రచ్చ ఎలా ఉంటుందో చూడాలి.
