బాలకృష్ణ (Balakrishna) యువ దర్శకుడు అనిల్ రావిపూడి కలయికలో రూపుదిద్దుకుంటున్న భగవంత్ కేసరి సినిమా ట్రైలర్ నుంచి హనుమకొండలో రిలీజైంది. తెలంగాణ (Telangana) యాసలో పలికే డైలాగులు హైలైట్ గా నిలుస్తాయి.ఎవడ్రా దేవుడు.. బిడ్డ ముందు తండ్రి నిలబడితే ఆవిడే వంద దేవుళ్ల లెక్క’ అంటూ ట్రైలర్(Trailer)లో బాలయ్య చెప్పిన డైలాగ్ ఆకట్టుకున్నాయి. ఎత్తిన చెయ్యి ఎవనిదో తెలియాలే, లేచిన నోరెవరిదో తెలియాలే, మిమ్మల్ని పంపిన కొడుకెవడో తెలియాలే..”, “ష్.. సప్పుడు జెయ్యాక్” అంటూ బాలయ్య నోటి వెంట డైలాగులు (Dialogues) పవర్ ఫుల్ గా వెలువడడం ట్రైలర్ లో చూడొచ్చు.
చదవండి : Rahul Gandhi : కాంగ్రెస్ శ్రేణులకు జోష్..మూడు రోజులు రాహుల్ బస్సు యాత్ర
బాలయ్య, శ్రీలీల మధ్య వచ్చే సన్నివేశాలు భావోద్వేగాలతో నిండి ఉన్నాయి. శ్రీలీల (Srilila) పాత్ర కథకు కీలకమని ట్రైలర్ చెబుతోంది. “బ్రో.. ఐ డోంట్ కేర్” అంటూ బాలయ్య పలికే డైలాగుతో ట్రైలర్ ముగుస్తుంది.పన్నుల రూపంలో ఆదాయాన్నిచ్చే సినీ రంగాన్ని ప్రభుత్వాలు పారిశ్రామిక రంగంలో ఓ భాగంగా గుర్తించాలని బాలకృష్ణ అన్నారు. ఈ మూవీ ఈ నెల 19న ప్రేక్షకుల ముందుకొస్తోంది.ఇందులో బాలకృష్ణ సరసన కాజల్ అగర్వాల్ (Kajal Aggarwal) నటిస్తుండగా, బాలీవుడ్ నటుడు అర్జున్ రాంపాల్ ప్రతినాయకుడి పాత్ర పోషిస్తున్నారు. షైన్ స్క్రీన్స్ పతాకంపై సాహు గారపాటి, హరీశ్ పెద్ది ఈ చిత్రాన్ని నిర్మిస్తున్నారు. భగవంత్ కేసరి చిత్రానికి తమన్ (Taman) సంగీతం అందిస్తున్నారు. వేడుకలో కాజల్, శ్రీలీల కలిసి బతుకమ్మ సంబరాల్లో పాల్గొని ఆడిపాడటం ఆకట్టుకుంది.
చదవండి : వరల్డ్ కప్‌లో భారత్ బోణీ.. ఆసీస్‌పై 6 వికెట్ల తేడాతో విజయం
