Bengaluru Rave Party: Rave Party.. Telugu Movie Actors Caught!
Bengaluru Rave Party: బెంగళూరులో ఎలక్ట్రానిక్ సిటీ సమీపంలో బీఆర్ ఫామ్‌హౌస్‌లో రేవ్ పార్టీ నిర్వహించారు. బర్త్ డే పేరుతో ఈ రేవ్ పార్టీని నిర్వహించారు. ఫామ్ హౌస్‌లో రేవ్ పార్టీ జరుగుతుందని సమాచారం రావడంతో పోలీసులు అక్కడికి చేరుకున్నారు. పార్టీలో మందుతోపాటు పెద్ద ఎత్తున మత్తు పదార్థాలను పోలీసులు స్వాధీనం చేసుకున్నారు. అలాగే తెలుగు సినీ పరిశ్రమకు చెందిన పలువురు సెలబ్రిటీలు, మోడళ్లు కూడా ఈ రేవ్ పార్టీలో ఉన్నారు. దాదాపు 100 మందికి పైగా పార్టీకి హాజరయ్యారు. వారిని పోలీసులు అదుపులోకి తీసుకున్నారు. ఈ పార్టీకి వచ్చిన ఓ కారులో ఏపీ మంత్రి కాకాణి గోవర్ధన్‌రెడ్డికి సంబంధించిన స్టిక్కర్‌ దొరికింది.
ఇది కూడా చూడండి: ICMR : రోగాల్లో 56 శాతం తిండివల్లనే వస్తాయంటున్న ఐసీఎంఆర్‌
ఈ కేసులో సిని నటి హేమ పేరు కూడా బయటకు వచ్చింది. అయితే దీనిపై ఆమె వెంటనే స్పందిస్తూ ఓ వీడియో అప్‌లోడ్ చేశారు. నేను హైదరాబాద్‌లోనే ఓ ఫామ్ హౌస్‌లో ఎంజాయ్ చేస్తున్నాను. నాకు ఆ బెంగళూరు రేవ్ పార్టీతో ఎలాంటి సంబంధం లేదన్నారు. సోషల్ మీడియాలోవస్తున్న వార్తల్లో నిజం లేదని తెలిపారు. పార్టీలో పలు రకాల డ్రగ్స్‌ వాడారని, పోలీసులు 17 గ్రాముల ఎండీఎంఏ పిల్స్‌, కొకైన్‌ను స్వాధీనం చేసుకున్నారు. అలాగే ఫామ్ హౌస్ పరిసరాల్లో జాగ్వార్‌, బెంజ్‌ సహా ఖరీదైన 15 ఖరీదైన కార్లను జప్తు చేశారు.
ఇది కూడా చూడండి: Mobile: పడుకొని ఫోన్ చూస్తే ఏమౌతుంది..?
