Surya About Kanguva Movie: కంగువ లాంటి గొప్ప చిత్రంలో నటించే అవకాశం రావడం తనకు దక్కడం గొప్ప అదృష్టంగా భావిస్తున్నానని తమిళ స్టార్‌ హీరో సూర్య(Surya) అన్నారు. ఈ సినిమా త్వరలో ప్రపంచ వ్యాప్తంగా రిలీజ్ కానుంది. ఈ చిత్రాన్ని భారీ పీరియాడిక్‌ యాక్షన్‌ ఫిల్మ్‌గా దర్శకుడు శివ రూపొందిస్తున్నారు. దీనిలో హీరోయిన్‌గా దిశా పటానీ, బాబీ డియోల్‌ నటిస్తున్నారు.
చదవండి : భద్రాచలం రాముని కళ్యాణం… ఆన్‌లైన్‌ టికెట్ల విడుదల
ఈ సినిమా గురించి ముంబైలో కంగువ గ్లింప్స్‌ రిలీజ్ ఈవెంట్‌ జరిగింది. ఈ కార్యక్రమంలో హీరో సూర్యతో(Surya) పాటుగా మూటీ టీం కూడా పాల్గొన్నారు. ఈ సందర్భంగా సూర్య తన సినిమా షూటింగ్ అనుభవాలను పంచుకున్నారు. గొప్ప సినిమాల్లో నటించే అవకాశం అదృష్టవశాత్తూ దక్కుతూ ఉంటుందన్నారు. మన కోరికల్ని ఈ యూనివర్స్‌ విని అది జరిగేలా చేస్తుందన్నారు. అది కంగువ విషయంలో రుజువైంది అని సూర్య అన్నారు. ఈ కంగువ సినిమా(Kanguva Movie) షూటింగ్ ప్రారంభించినప్పటి నుంచి రోజు రోజుకూ సినిమా మరింత పెద్ద ప్రాజెక్టుగా మారుతూ వచ్చింది. ఇలాంటి ప్రెస్టేజియస్‌ ప్రాజెక్టు చేయాలని కలలుగన్న మా ప్రొడ్యూసర్‌ జ్ఞానవేల్ రాజాకు కృతజ్ఞతలే అంటూ సూర్య చెప్పుకొచ్చారు.
చదవండి : అంచనాలకు మించి ఓం భీం బుష్‌ కలెక్షన్స్‌
పెద్ద బడ్జెట్‌ చిత్రంగా నిర్మితమవుతున్న ఈ సినిమాని ప్రముఖ నిర్మాణ సంస్థలు స్టూడియో గ్రీన్, యూవీ క్రియేషన్స్ బ్యానర్స్‌పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. పది భాషల్లో తెరకెక్కుతున్న ‘కంగువ’ త్రీడీలోనూ ప్రేక్షకుల ముందుకు రానుంది. పలు అంతర్జాతీయ భాషల్లోనూ ఈ సినిమాను రిలీజ్ చేసేందుకు సన్నాహాలు చేస్తున్నారు. త్వరలోనే ఈ సినిమా గ్రాండ్ థియేట్రికల్ రిలీజ్ డేట్‌ను మేకర్స్ అనౌన్స్ చేయనున్నారు.
