6 movies release on Oct 6
6 movies: యంగ్ హీరో కిరణ్ అబ్బవరం ఈసారి ఎట్టి పరిస్థితుల్లోను హిట్ కొట్టాలని చూస్తున్నాడు. లేటెస్ట్ ‘రూల్స్ రంజన్’ అక్టోబర్ 6న గ్రాండ్‌గా థియేటర్లోకి రాబోతోంది. నేహా శెట్టి హీరోయిన్‌గా నటించిన ఈ సినిమాను.. ప్రముఖ నిర్మాత ఏఎం రత్నం సమర్పిస్తుండగా.. ఆయన తనయుడు రత్నంకృష్ణ దర్శకత్వం వహించాడు. ఈ సినిమా పై భారీ ఆశలు పెట్టుకున్నాడు కిరణ్ అబ్బవరం. సినిమా పై కూడా మంచి బజ్ ఉంది. ఈ సినిమాకు పోటీగా పెద్ద సినిమాలు రిలీజ్ అవడం లేదు. కానీ మ్యాడ్, మామా మశ్చీంద్ర సినిమాలు మాత్రం గట్టి పోటీ ఇచ్చేలా ఉన్నాయి.
చదవండి: Mansion 24′ ట్రైలర్.. వణికించిన ఓంకార్!
సూపర్ స్టార్ మహేష్ బాబు బావ సుధీర్ బాబు నటిస్తున్న లేటెస్ట్ ఫిల్మ్ ‘మామా మశ్చీంద్ర’. సుధీర్ బాబు మూడు పాత్రల్లో నటించిన ఈ చిత్రానికి హర్షవర్ధన్ దర్శకత్వం వహించాడు. రీసెంట్‌గా మహేష్ రిలీజ్ చేసిన ట్రైలర్ ఇంట్రెస్టింగ్‌గా ఉంది. ఇక యంగ్ టైగర్ ఎన్టీఆర్ బామ్మర్ది నార్నె నితిన్‌తోపాటు.. సంగీత్‌ శోభన్‌, రామ్‌ నితిన్‌, శ్రీ గౌరి ప్రియ రెడ్డి కీలక పాత్రల్లో.. కల్యాణ్‌ శంకర్‌ దర్శకత్వంలో తెరకెక్కిన ‘మ్యాడ్’ సినిమా అక్టోబర్ 6న రిలీజ్ కాబోతోంది. సితార ఎంటర్టైన్మెంట్స్ నిర్మించిన ఈ సినిమా ట్రైలర్‌ను ఎన్టీఆర్ చేతుల మీదుగా రిలీజ్ చేశారు. ఈ టీజర్ మంచి రెస్పాన్స్ సొంతం చేసుకుంది.
కలర్స్ స్వాతి రీ ఎంట్రీ ఇస్తున్న సినిమా మంత్ ఆఫ్ మధు. నవీన్ చంద్ర లీడ్ రోల్‌లో నటించిన ఈ సినిమా కూడా ఈ వారమే విడుదల కాబోతోంది. దీంతో పాటు క్రికెటర్ ముత్తయ్య మురళీధరన్ బయోపిక్‌గా తెరకెక్కిన 800 కూడా రిలీజ్ అవుతోంది. ఇక చివరగా ఈ వారం రేసులోకి దూసుకొచ్చాడు హీరో సిద్ధార్థ్. సిద్ధార్థ్ నటించిన చిట్టా అనే సినిమాను తెలుగులో చిన్నా అనే పేరుతో డబ్ చేసి రిలీజ్ చేస్తున్నారు. మొత్తంగా ఈ వారం అరడజను సినిమాలు రిలీజ్ అవుతున్నాయి. మరి ఈ సినిమాల్లో ఎవరిది పై చేయి అవుతుందో చూడాలి.
