ప్రముఖ వీడియో షేరింగ్ యాప్ టిక్ టాక్ (Tik Tok) వినియోగంపై బ్రిటన్ ప్రభుత్వం (British government) నిషేధం విధించింది. ప్రభుత్వ కార్యాలయాల్లోని కంప్యూటర్లు, ఉద్యోగులకు (employees) ప్రభుత్వం అందించే ల్యాప్ టాప్ లు, ట్యాబ్ లు, స్మార్ట్ ఫోన్లలో టిక్ టాక్ వినియోగంపై బ్రిటన్ ప్రభుత్వం నిషేధం (Prohibition) విధించింది. ప్రభుత్వం అనుమతించిన థర్డ్ పార్టీ యాప్ లను మాత్రమే వినియోగించాలని ఆదేశాలు జారీ చేసింది. ప్రభుత్వ పరికరాల్లో ఎంతో సున్నితమైన సమాచారం ఉంటుందని, అందుకే ముప్పును నివారించేందుకు ఈ నిర్ణయం తీసుకున్నట్టు బ్రిటన్ ప్రభుత్వం తెలిపింది. అమెరికా,(America) బెల్జియం కూడా ఇంతకుముందే ప్రభుత్వ పరికరాల్లో టిక్ టాక్ పై నిషేధం విధించాయి. చట్టసభల్లో టిక్ టాక్ (Tik Tok) వినియోగించరాదని అమెరికా గతేడాది డిసెంబరులో ఆదేశాలు జారీ చేసింది. అటు, కెనడా కూడా ఈ చైనా యాప్ పై నిషేధం కొరడా ఝుళిపించింది.భారత్ లో(India)టిక్ టాప్ యాప్ పై 2020లోనే వేటు పడడం తెలిసిందే. యూజర్ల డేటాపై సదరు చైనా సంస్థకు నియంత్రణ ఉండడమే ఆయా దేశాల నిర్ణయానికి కారణమని తెలుస్తోంది
చదవండి : సికింద్రాబాద్ స్వప్నలోక్ కాంప్లెక్స్ లో భారీ అగ్ని ప్రమాదం
