బాలయ్య టాక్ షో.. అన్ స్టాపబుల్ బాగా హిట్ అయ్యింది. అందుకే రెండో సీజన్ కూడా తీస్తున్నారు. మొదటి సీజన్ లో కేవలం సినిమా వాళ్లే పరిమితం కాగా… రెండో సీజన్ స్టైల్ మార్చారు. చంద్రబాబు, కిరణ్ కుమార్ రెడ్డి లాంటి రాజకీయనాయకులు కూడా సందడి చేశారు. త్వరలో నే పవన్ కూడా ఈ షోకి రానున్నాడనే ప్రచారం జరుగుతోంది. కాగా… ఈ షోపై తాజాగా మంత్రి రోజా షాకింగ్ కామెంట్స్ చేశారు.
‘అన్ స్టాపబుల్ షోకు రావాలని బాలకృష్ణ నన్నెప్పుడో ఆహ్వానించారు. కానీ నేనే వెళ్లలేదు. ఎందుకంటే.. సీఎం జగన్ దగ్గరికి వెళ్లి ఎవరు ఏం చెప్తారోనని భయపడ్డాను. అందుకే వెళ్లలేదు. బాలకృష్ణ అంటే నాకు ఎంతో గౌరవం. ఎక్కడ కలిసినా ఆప్యాయంగా మాట్లాడతారు. అసెంబ్లీలో కలిసినా చాలాబాగా మాట్లాడతారు. రాజకీయాలు.. వ్యక్తిగత జీవితం వేరు అని బాలయ్యా ఎప్పుడూ చెప్తారు. అలాగే.. ముఖ్యమంత్రి జగన్ కూడా నన్ను ఎప్పుడూ ఏం అనలేదు. జబర్దస్త్ షో చేస్తున్నప్పుడు కూడా చాలామంది చాలా విషయాలు జగన్‌కు చెప్పారు. కానీ.. ఆయన అవన్నీ పట్టించుకోలేదు. నన్ను ఎప్పుడూ వాటి గురించి అడగలేదు’ అని మంత్రి రోజా స్పష్టం చేశారు.
