Pan India star Prabhas starrer Salaar teaser date has arrived.
యావత్తు భారతదేశం ఎంతో ఆస‌క్తిగా ఎదురు చూస్తోన్న పాన్ ఇండియా మూవీ ‘సలార్’(Pan India Movie Salar). ప్రభాస్(Prabhas) హీరోగా కేజీఎఫ్(KGF) చిత్రంతో బాక్సాఫీస్‌ను షేక్ చేసిన డైరెక్టర్ ప్ర‌శాంత్ నీల్(Prashanth Neel) ద‌ర్శ‌క‌త్వంలో ప్ర‌ముఖ నిర్మాణ సంస్థ హోంబలే ఫిలింస్ బ్యాన‌ర్ నిర్మిస్తోన్న భారీ బడ్జెట్ మూవీది. వీరి కాంబినేషన్ లో సలార్(Salar) చిత్రాన్ని ప్రకటించిన రోజు నుంచి అటు ప్రభాస్ ఫ్యాన్స్ తో పాటు ఇండియా వైడ్ మూవీ లవర్స్ అందరిలో ఉత్సుకతని పెంచింది. ఈ సినిమాకు సంబంధించిన అప్‌డేట్స్ కోసం ఫ్యాన్స్, ప్రేక్షకులు ఎంతో ఆతృత‌గా ఎదురు చూస్తున్నారు. ఈ క్ర‌మంలో మేక‌ర్స్ ఓ సాలీడ్ అప్డేట్ ను ఇచ్చింది. ‘సలార్’ టీజ‌ర్‌ను(Salar Teaser) జూలై 6 ఉద‌యం 5 గంట‌ల 12 నిమిషాల‌కు విడుదల చేస్తున్నట్లు చిత్ర యూనిట్ అధికారిక ప్రకటన విడుదల చేసింది.
చదవండి:Heavy rains : తెలుగు రాష్ట్రాల్లో .. మూడ్రోజులు వర్షాలు
ఈ సంవత్సరంలో విడుద‌ల‌వుతున్న భారీ బడ్జెట్ మూవీ ‘సలార్’. బాహుబ‌లి(Bahubali) ఫ్రాంచైజీతో పాన్ ఇండియా స్టార్‌గా ఎదిగిన ప్రభాస్ అభిమానులు, ప్రేక్షకులు అంచ‌నాలకు ఏ మాత్రం తగ్గకుండా డైరెక్టర్ ప్ర‌శాంత్ నీల్ ఈ చిత్రాన్ని తెరకెక్కిస్తున్నారు. ఈ టీజ‌ర్‌ను జూలై 6న పాన్ ఇండియా అన్ని భాషల్లో విడుదల చేయ‌బోతున్నారు. ఈ సందర్భంగా గత ఏడాది కేజీఎఫ్ 2(KGF2), కాంతార(Kanthara) వంటి చిత్రాల‌తో బాక్స్ ఆఫీస్ వద్ద బ్లాక్ బ‌స్ట‌ర్ హిట్ ను సొంతం చేసుకున్నామని. ఇప్పుడు ప్రభాస్ హీరోగా భారీ బడ్జెట్ మూవీ సలార్ ను విడుదల చేస్తున్నట్లు… ఈ సినిమా సరికొత్త రికార్డుల‌ను క్రియేట్ చేస్తుంద‌న‌టంలో సందేహం లేద‌ని హోంబలే ఫిలింస్ ప్రతినిధులు తెలిపారు. ఈ యాక్షన్ అడ్వెంచర్ ఫిల్మ్ సలార్ టీజర్ ప్రేక్షకులు ముందుకు తీసుకురావడానికి సర్వం సిద్ధం అయినట్లు వారు తెలిపారు.ఈ చిత్రంలో రెబల్ స్టార్ ప్రభాస్ సరసన బ్యూటిఫుల్ హీరోయిన్ శృతిహాసన్(ShuthiHasan) నటిస్తుంది. మలయాళ స్టార్ హీరో పృథ్వీరాజ్ సుకుమార్‌, జ‌గ‌ప‌తి బాబు, త‌దిత‌రులు ఇత‌ర కీల‌క పాత్ర‌ల్లో న‌టిస్తోన్నారు. ఈ చిత్రాన్ని సెప్టెంబర్ 28న పాన్ ఇండియా రేంజ్ లో అన్ని భాషల్లో విడుదల చేస్తున్నారు.
చదవండి:Disha Patani : మరోసారి జంటగా కనిపించిన లవ్ బర్డ్స్..!
