గత కొద్ది రోజులుగా పవర్ స్టార్ పవన్ కళ్యాణ్ తమిళ్ హిట్ మూవీ ‘వినోదయ సీతం’ రీమేక్ షూటింగ్.. మొదలు పెట్టబోతున్నట్టు ప్రచారం జరుగుతునే ఉంది. అదిగో, ఇదిగో అని పలు డేట్స్ వినిపించాయి. ఆ మధ్యలో సైలెంట్‌గా పూజా కార్యక్రమాలు కూడా నిర్వహించారని వార్తలొచ్చాయి. కానీ అధికారికంగా ప్రకటించలేదు. అయితే ఎట్టకేలకు అఫిషీయల్ కన్ఫర్మేషన్ వచ్చేసింది. తాజాగా ఈ సినిమా షూటింగ్ స్టార్ట్ చేశారు. హైదరాబాద్‌లో వేసిన ప్రత్యేక సెట్‌లో చిత్రీకరణ ప్రారంభమైంది. పీపుల్ మీడియా ఫ్యాక్టరీ, జీ స్టూడియోస్ కలిసి సంయుక్తంగా ఈ చిత్రాన్ని నిర్మిస్తున్నాయి. ఈ ఏడాదిలోనే ఈ సినిమాను విడుదల చేయాలని భావిస్తున్నారు. అందుకే వీలైనంత తొందరగా షూటింగ్ పూర్తిచేసేలా ప్లాన్ చేస్తున్నారు. ఈ రీమేక్ కోసం పవన్ కేవలం 20 రోజుల కాల్షిట్స్ మాత్రమే ఇచ్చినట్టు తెలుస్తోంది. ఇందులో పవన్ దేవుడి పాత్రలో కనిపించనున్నారు. మెగా మేనల్లుడు సాయి ధరమ్ తేజ కీ రోల్ ప్లే చేస్తున్నాడు. దాంతో ఈ సినిమాను మెగా మల్టీస్టారర్ ఫిల్మ్ అని చెప్పొచ్చు. ఇక ఈ సినిమాను ఒరిజినల్ వెర్షన్ తెరకెక్కించిన సముద్రఖని డైరెక్ట్ చేయనున్నాడు. కాకపోతే త్రివిక్రమ్ డైలాగ్స్ అందించనున్నాడు. ఇప్పటికే తెలుగు నెటీవిటికి తగ్గట్టుగా త్రివిక్రమ్ శ్రీనివాస్ స్క్రిప్ట్‌లో చాలా మార్పులు చేయడంతో పాటు.. డైలాగ్ వెర్షన్ రాసినట్లు తెలుస్తోంది. ఈ చిత్రంలో సాయి ధరమ్‌కు జోడీగా కేతిక శర్మ హీరోయిన్‌గా నటిస్తోంది. అయితే.. ఎలాగు పవన్ ఈ రీమేక్‌ను మొదలు పెట్టేశాడు కాబట్టి.. ఉస్తాద్ భగత్ సింగ్, ఓజి సినిమాల పరిస్థితేంటనే చర్చ మొదలైంది. ఇటీవలె ఆ సినిమాలను గ్రాండ్‌గా లాంచ్ చేశారు. మరి ఈ సినిమాలను పవన్ ఎప్పుడు మొదలు పెడతారు.. హరిహర వీరమల్లు ఎప్పుడు కంప్లీట్ చేస్తారో చూడాలి.
