డైరెక్టర్ డైమండ్ రత్నబాబు మాట్లాడుతూ.. ఇప్పటి వరకు తనను డైమండ్ రత్నబాబు అని పిలిచారని, ఈ సినిమా తర్వాత ‘అన్ స్టాపబుల్’ డైరెక్టర్ డైమాండ్ రత్నబాబు అని పిలుస్తారని చెప్పారు. చిన్న సినిమాలు తీస్తున్న ప్రతి నిర్మాత నాకు హీరో. మా షూటింగ్ ఒక వార్ లా జరిగింది. వార్ చేయడానికి మా డైరెక్షన్ టీం చాలా సాయం చేశారు. అన్ లిమిటెడ్ ఫన్ రాయాలని.. ‘అన్ స్టాపబుల్’ రాశాన అని రత్నబాబు తెలిపారు.
‘అన్ స్టాపబుల్’ సినిమాలో ప్రతి పాత్ర ఫన్ తో వుంటుంది. ఈ వేసవిలో మీ అందరినీ నవ్వించాలని ఫిక్స్ అయి వస్తున్నాం. నిర్మాత రజిత్ రావుకి ఈ సినిమా హిట్ ని బర్త్ డే గిఫ్ట్ గా ఇవ్వాలని ఫిక్స్ అయ్యాం. భీమ్స్, రాహుల్ సిప్లీ గంజ్, కాసర్ల శ్యామ్,ఉద్ధవ్, ఇలా వండర్ ఫుల్ టెక్నిషియన్స్ ఇచ్చిన నిర్మాతకి కృతజ్ఞతలు. సప్తగిరి, సన్నీ పోటిపడి నటించారు. నక్షిత్ర, అక్సా ఖాన్ చక్కగా నటించారు. ప్రేక్షకులందరూ ఈ సినిమాని థియేటర్ లో చూడాలని ఆయన కోరారు.
చదవండి: Unstoppable Trailer: ‘బిగ్ బాస్5’ విన్నర్ వీజే సన్నీ ‘అన్‌స్టాపబుల్’ ట్రైలర్ రిలీజ్
చిన్నప్నటినుండి సాహిత్యంలో ప్రవేశం ఉన్న తన పెన్ నేమ్ డైమండ్ అని ఆ పేరే తనకు డైమండ్ రత్నబాబు అయ్యిందన్నారు. సినీ ఇండస్ట్రీలో సీమశాస్త్రి, పాండవులు పాండవులు తుమ్మెద, పిల్లా నువ్వు లేని జీవితం, సెల్ఫీ రాజా, ఇంట్లో దెయ్యం నాకేం భయం మొదలైన సినిమాలకు రచనా విభాగంలో పనిచేశానని, 2015లో వచ్చిన షేర్ సినిమాతో పూర్తిస్థాయి రచయితగా మారానని తెలిపారు. ఆ తరువాత లక్కున్నోడు (2017), గాయత్రి (2018) మొదలైన సినిమాలకు పనిచేసినట్లుగా ఆయన తెలిపారు. ప్రస్తుతం తెలుగు సినీ రచయితల సంఘం కార్యవర్గ సభ్యుడిగా ఉన్నట్లు తెలిపారు.
