Zomato delivery boy: ఫుడ్ డెలివరీ మాటున గంజాయి.. జొమాటో డెలివరీ బాయ్ అరెస్టు

Zomato delivery boy arrested for selling ganja

Zomato delivery boy: గంజాయి దందా చేస్తున్న ఓ ఫుడ్ డెలివరీ బాయ్‌ను రాయదుర్గం పోలీసులు అరెస్టు చేశారు. ఈజీ మనీ కోసం జొమాటో డెలివరీ(Zomato delivery ) బాయ్ గా పనిచేస్తూ గంజాయి అమ్మకాని(selling ganja)కి పాల్పడుతున్నట్లు పక్కా సమాచారంతో కొండాపూర్‌లోని ఓ ప్రైవేట్ హాస్టల్‌లో పోలీసులు సోదాలు జరిపారు. అంజయ్యనగర్‌లోని ఓ హస్టల్‌లో నవీన్ అనే యువకుడు ఉంటున్నాడు. తాను జొమాటో డెలివరీ బాయ్ గా పనిచేస్తున్నాడు. ఈజీగా పెద్దమొత్తంలో డబ్బు సంపాదించాలని ఇలా అక్రమ మార్గాన్ని ఎంచుకున్నాడు. పక్కా సమాచారం అందడంతో పోలీసులు నవీన్‌ను అరెస్టు చేశారు.

చదవండి:BRS: బీఆర్ఎస్‌కు షాక్.. గుడ్ బై చెప్పిన తాటికొండ రాజయ్య

భద్రాచలంలో ఓ వ్యక్తి దగ్గర గంజాయి కొనుగోలు చేసి సిటీకి రహస్యంగా తరలిస్తున్నట్లు పోలీసులు తెలిపారు. హైదరాబాద్‌లో ఫుడ్ డెలివరీ బాయ్‌గా పనిచేస్తున్న నవీన్ పలువురికి గంజాయిని విక్రయిస్తున్నాడు. ఈజీ మనికోసమే నవీన్ ఈ పని చేస్తున్నట్లు పోలీసులు ప్రాథమిక విచారణలో తెలిపారు. నవీన్ దగ్గర 800 గ్రాములు గంజాయి ఉన్నట్లు, దానికి విలువ సుమారు రూ. 56 వేలు ఉంటుందని పేర్కొన్నారు. నవీన్‌పై కేసు నమోదు చేసిన పోలీసులు గంజాయి ఎవరి నుంచి కొనుగోలు చేస్తున్నాడు అనే విషయాన్ని తెలుసునే ప్రయత్నం చేస్తున్నట్లు తెలిపారు.

చదవండి:CM Revanth Reddy: త్వరలో మరో రెండు గ్యారంటీలు అమలు