బ్యాంకు అకౌంట్లో (Bank Accounts) డబ్బులు వేసినట్లు ఫేక్ మెస్సేజ్ (Fake Messages)లు పంపి ఓ నగల వ్యాపారిని బురిడీకొట్టించిన ఘటన ఢిల్లీ (Delhi)లో చోటుచేసుకుంది. నగరంలో కిశోర్ ఖండేల్వాల్ 50 ఏళ్ల నుంచి నగల వ్యాపారం చేస్తూ ఫేమస్ అయ్యారు. తాజాగా ఆయన దుకాణానికి ఓ వ్యక్తి వచ్చాడు. 15 గ్రాముల బంగారు గొలుసు (Gold Chain) కొంటానని ఆర్డర్ ఇచ్చాడు. ఆ తర్వాత తాను షాపు వద్దకు రావడం లేదని, డబ్బు పంపడానికి ఖండేల్వాల్ బ్యాంకు ఖాతా వివరాలను అడిగి తీసుకున్నాడు.
చదవండి: Viral: చిలుకను చిత్రహింసలు పెట్టి చంపిన ఇద్దరు మహిళలు..కోర్టు తీర్పుకు షాక్
కొంతసేపటికి నగల దుకాణం యజమాని ఖాతాకి రూ.93,400లు జమ అయ్యాయి. మెస్సేజ్ కూడా రావడంతో ఆ వ్యక్తి అడ్రస్‌కు చైన్ (Gold Chain) పంపించారు. అయితే ఆ మరుసటి రోజు అదే వ్యక్తి ఫోన్ చేసి మరో 30 గ్రాముల బంగారు గొలుసు కొని ముందురోజు లాగానే ఆ వ్యాపారికి రూ.1,95,400 జమ చేసినట్లుగా మెస్సేజ్ పంపించాడు. ఆ మెస్సేజ్ చూసిన నగల వ్యాపారికి నమ్మకం కుదిరింది. దీంతో ఆ చైన్ కూడా డెలివరీ చేశాడు.
చదవండి: Aadhar: ఆధార్‌తో డబ్బులు డ్రా చేసేవారికి అలర్ట్..నగదు దోచేస్తున్న కేటుగాళ్లు!
ఖండేల్వాల్ తన ఫోనులో స్టేట్‌మెంటు (Bank Statement) చూసుకోగానే డబ్బులు రాలేదని తెలిసింది. వచ్చిన మెస్సేజ్ (Fake Messages)లను పరిశీలించగా అవి బ్యాంకు నుంచి వచ్చినవి కాదని తేలింది. దీంతో ఆ నగల యజమాని పోలీసులను ఆశ్రయించాడు. బులియన్ అండ్ జ్యువెలర్స్ అసోసియేషన్ సభ్యులంతా చాలా చోట్ల తమ వ్యాపారులు ఇలాంటి మోసాలకు గురవుతున్నట్లు పోలీసులకు తెలిపారు.
