Delhi : 2018లో ఢిల్లీలోని బురారీ ప్రాంతంలో ఒకే కుటుంబానికి చెందిన 11 మంది ఆత్మహత్య చేసుకోవడం దేశాన్ని ఎంతగానో దిగ్భ్రాంతికి గురిచేసింది. బురారీ పేరు వినిపించినప్పుడల్లా 11 మంది వ్యక్తులు పైకప్పు నుండి కొమ్మల మాదిరిగా వేలాడుతూ ఉన్న దృశ్యం కళ్ల ముందు కదలాడుతుంది. తాజాగా గుజరాత్‌ను కూడా ఇదే తరహాలో కుదిపేసింది. ఇక్కడ ఒకే కుటుంబానికి చెందిన నలుగురు ఆత్మహత్య చేసుకున్నారు. బుధవారం ద్వారకా జిల్లాలోని భన్వాడ్‌లోని ధారగఢ్ ప్రాంతంలో నలుగురి మృతదేహాలు కనిపించడంతో కలకలం రేగింది. వీరంతా విష మందు తాగి ఆత్మహత్యకు పాల్పడ్డారు. మృతదేహాన్ని స్వాధీనం చేసుకున్న తరువాత, పోలీసులు ఈ విషయంపై దర్యాప్తు ప్రారంభించారు. అయితే ఈ విషయంపై ఎటువంటి ఫిర్యాదు రాలేదు. మరణించిన నలుగురు వ్యక్తులు అశోక్ ధుమ్వా, లీలుబెన్ అశోక్ ధుమ్వా, జిగ్నేష్ అశోక్ ధుమ్వా, 18 ఏళ్ల కింజల్ దుమ్వా. మృతుడి సోదరుడి ఫిర్యాదు మేరకు ఇద్దరు నిందితులను అరెస్టు చేశారు.
చదవండి:Nepal : నేపాల్ లో రాజకీయ గందరగోళం.. ప్రధాని పదవికి రాజీనామా చేసిన ప్రచండ
దీనిపై సమాచారం ఇస్తూ బుధవారం ధారగఢ్ ప్రాంతంలోని రైల్వే గేటు దగ్గర నలుగురు వ్యక్తులు విషం తాగి ఆత్మహత్యకు పాల్పడినట్లు సమాచారం అందిందని పోలీసులు తెలిపారు. సంఘటనా స్థలానికి చేరుకున్న పోలీసు బృందం మృతదేహం దగ్గర విషం పెట్టె, ప్లాస్టిక్ గ్లాస్, కోలా డ్రింక్ బాటిల్‌తో పాటు సూసైడ్ నోట్‌ను స్వాధీనం చేసుకున్నారు. మృతుల నుంచి మూడు మొబైల్ ఫోన్లు, పాన్ కార్డు, గుర్తింపు కార్డులను కూడా పోలీసులు స్వాధీనం చేసుకున్నారు.
చదవండి:YS Sharmila: ఇదేనా నీ సంస్కారం.. జగన్‌పై షర్మిల ఫైర్
20 లక్షలు ఇవ్వాలని విశాల్ జడేజా బెదిరింపులు, దాడులు, ఒత్తిడి చేశారని మృతుడు అహిర్ కుటుంబ పెద్ద అశోక్‌భాయ్ ఆరోపించినట్లు పోలీసులు తెలిపారు. దీంతో మనస్తాపానికి గురైన కుటుంబంలోని నలుగురు సభ్యులు రెండు స్కూటర్లపై జామ్‌నగర్‌కు వెళ్లి భన్వాడ్‌లోని ధారగఢ్ గ్రామంలో విషం సేవించి ఆత్మహత్యకు పాల్పడ్డారు. ప్రాథమిక దర్యాప్తు ఆధారంగా, మృతుడి తమ్ముడు వినుభాయ్ ధున్వా, విశాల్ జడేజా (వి.ఎం. మెటల్), మరొక వ్యక్తి విశాల్‌పై ఫిర్యాదు చేసినట్లు ప్రస్తుతం విచారణ కొనసాగుతోందని పోలీసులు తెలిపారు .
