Cake: ఆన్‌లైన్‌లో ఆర్డర్ చేసిన కేక్ తిని పదేళ్ల చిన్నారి మృతి చెందింది. పంజాబ్‌లోని పటియాలాకు చెందిన పదేళ్ల చిన్నారి మాన్వికి ఇంటి సభ్యులు ఈ నెల 24న పుట్టిన రోజు వేడుకలు నిర్వహించారు. ఈక్రమంలో పట్టణంలోని ఓ బేకరీ నుంచి ఆన్‌లైన్‌లో కేక్ ఆర్డర్ చేశారు. సాయంత్రం 7గంటలకు ఆ కేక్‌ను కట్ చేసి కుటుంబ సభ్యులంతా తిన్నారు. కేక్ తిన్న అందరూ రాత్రి 10 గంటలకల్లా అస్వస్థతకు గురయ్యారు. గొంతు తడారిపోతుందని మాన్వి మంచినీళ్లు తాగి నిద్రపోయింది.
ఇది కూడా చూడండి: Horoscope Today: నేటి రాశిఫలాలు(2024 March 31th).. దీర్ఘకాలిక సమస్యలు తొలగిపోతాయి
ఉదయానికి ఆమె ఆరోగ్యం విషమించడంతో కుటుంబ సభ్యులు వెంటనే ఆసుపత్రికి తరలించారు. వైద్యులు ఎంత ప్రయత్నించినా ఫలితం లేకపోయింది. కేకు విషపూరితం కావడం వల్లే చిన్నారి ప్రాణాలు కోల్పోయిందని కుటుంబ సభ్యులు ఆరోపించారు. అక్కడ పోలీసు స్టేషన్‌లో బేకరీ యాజమానిపై ఫిర్యాదు చేశారు. పోలీసులు మృతదేహాన్ని పోస్టుమార్టానికి పంపారు. కేక్ నమూనాలను సేకరించి పరీక్షల కోసం పంపారు. నివేదికల బట్టి నిందితుడిపై చర్యలు తీసుకుంటామని పోలీసులు తెలిపారు.
ఇది కూడా చూడండి: Ranbir Kapoor: రణబీర్ కపూర్ తన కూతురు కోసం ఏకంగా రూ. 250 కోట్ల బంగ్లా గిఫ్ట్
