RBI: రిజర్వ్ బ్యాంక్ ఆఫ్ ఇండియా 2000 రూపాయల నోటుకు సంబంధించి పెద్ద అప్‌డేట్‌ను విడుదల చేసింది. కొత్త డేటా ప్రకారం రూ. 2000 విలువైన నోట్లలో మొత్తం 93 శాతం బ్యాంకులకు తిరిగి వచ్చాయి. అంటే ఇప్పుడు మార్కెట్‌లో 7 శాతం మాత్రమే అందుబాటులో ఉన్నాయి. మే 19, 2023న రిజర్వ్ బ్యాంక్ ఆఫ్ ఇండియా రూ. 2000 నోటును చెలామణి నుండి ఉపసంహరించుకుంటున్నట్లు ప్రకటించింది. 2000 రూపాయల నోటును సెప్టెంబర్ 30లోగా (2000 రూపాయల నోటు డిపాజిట్ చేయడానికి చివరి తేదీ) బ్యాంకులో డిపాజిట్ చేయాల్సి ఉంటుందని రిజర్వ్ బ్యాంక్ తెలిపింది. అయితే ఈలోగా రూ.2000 నోట్లు చెలామణిలో ఉంటాయి.
చదవండి: Business Idea: 20 వేలు పెట్టుబడితో రూ.5 లక్షల ఆదాయం.. వాట్ ఏన్ ఐడియా సర్ జీ
ఇప్పుడు చెలామణిలో ఉన్న నోట్లు ఎన్ని?
రిజర్వ్ బ్యాంక్ పంచుకున్న డేటా ప్రకారం.. ఆగస్టు 31, 2023 వరకు బ్యాంకుల్లో డిపాజిట్ అయిన రూ.2,000 నోట్ల మొత్తం విలువ రూ.3.32 లక్షల కోట్లు అని బ్యాంకుల నుంచి అందిన సమాచారం. అంటే ఆగస్టు 31, 2023న రూ.0.24 లక్షల కోట్ల విలువైన రూ.2,000 నోట్లు మాత్రమే చెలామణిలో ఉన్నాయి, ఇది మొత్తం రూ.2000 నోట్లలో 7 శాతం.
చదవండి: Chandana ఎంత పనిచేశావ్.. ప్రియుడితో కలిసి అక్కను మట్టుబెట్టిన చెల్లి
87 శాతం నోట్లు డిపాజిట్
రూ.2000 నోట్లలో దాదాపు 87 శాతం బ్యాంకుల్లో డిపాజిట్ కాగా, 13 శాతం ఇతర నోట్లతో మార్చుకున్నట్లు రిజర్వ్ బ్యాంక్ ఆఫ్ ఇండియా వెల్లడించింది. మార్చి 31, 2023న చెలామణిలో ఉన్న మొత్తం నోట్ల విలువ రూ. 3.62 లక్షల కోట్లు కాగా, మే 19, 2023న వాటి ఉపసంహరణ ప్రకటన నాటికి రూ.3.56 లక్షల కోట్లకు తగ్గింది. 30 సెప్టెంబర్ 2023లోగా బ్యాంకుల్లో డిపాజిట్ చేయాలని లేదా ఇతర నోట్లతో మార్చుకోవాలని భారతీయ రిజర్వ్ బ్యాంక్ ప్రజలను అభ్యర్థించింది.
