NRPT: నారాయణపేట మినీ స్టేడియం మైదానంలో సోమవారం ఎమ్మెల్యే చిట్టెం పర్ణికారెడ్డి పలు అభివృద్ధి పనుల శంకుస్థాపనకు చేశారు. అనంతరం MLA ప్రభుత్వ పాఠశాల విద్యార్థులతో కలిసి ఖోఖో ఆడారు. ఆటలో విద్యార్థులకు చిక్కకుండా చాలా సమయం వరకు ఖోఖో ఆడి ఆటలో తన ప్రతిభను చూపారు. క్రీడలు అంటే ఇష్టామని ఆమె అన్నారు.
AP: DSC ఫలితాల్లో ఏలూరు జిల్లాకు చెందిన విద్యార్థిని సంచలనం సృష్టించింది. వేలేరుపాడు మండలం కోయమాదారం గ్రామానికి చెందిన నాగుల మంగారాణి ఏకంగా ఐదు ఉద్యోగాలు సాధించింది. స్కూల్ అసిస్టెంట్ మ్యాథ్స్, ఫిజిక్స్లో ఫస్ట్ ర్యాంక్, TGTలో ఫిజిక్స్ ఫస్ట్ ర్యాంక్, సైన్స్ సెకండ్ ర్యాంక్, మ్యాథ్స్ ఫోర్త్ ర్యాంకు సాధించింది.
ఇస్రో(ISRO) ప్రధాన కార్యాలయం ఎక్కడ ఉంది? A) హైదరాబాద్ B) బెంగళూరు C) చెన్నై D) ముంబై నిన్నటి ప్రశ్నకు జవాబు: లక్నో (UP)NOTE: పోటీ పరీక్షల ప్రత్యేకం
VSP: జాతీయ ఉత్తమ ఉపాధ్యాయ అవార్డు–2025కు దేశవ్యాప్తంగా 45 మందిని కేంద్ర ప్రభుత్వం ఎంపిక చేసింది. సెప్టెంబర్ 5న ఢిల్లీలో అవార్డులు ప్రదానం చేయనున్నారు. విశాఖకు చెందిన తిరుమల శ్రీదేవి ఈ జాబితాలో చోటు దక్కించుకుంది. అవార్డుతో పాటు రూ.50 వేలు, వెండి పతకం అందజేస్తారు. విశాఖకు చెందిన ఉపాధ్యాయురాలు ఉత్తమ ఉపాధ్యాయ అవార్డు సాధించినందుకు పలువురు అభినందనలు తెలిపారు.
టెస్లా అధినేత మస్క్ ఏఐ చాట్ బాట్ గ్రోక్ కొంపముంచింది. దాదాపు 3 లక్షల 70 వేల మంది గ్రోక్ వినియోగదారుల చాట్ ఇంటర్నెట్లో లీక్ అయింది. యూజర్ల పర్సనల్ చాట్ గూగుల్ వంటి మరికొన్ని సెర్చ్ ఇంజిన్లలో బహిరంగంగా అందుబాటులో ఉంది. గ్రోక్ షేర్ ఆప్షన్ వల్ల ఈ డేటా లీక్ అయింది. దీంతో సంభాషణ నేరుగా పబ్లిక్ వెబ్పేజీలోకి వెళ్లిపోయాయి. దీంతో విమర్శలు వెల్లువెత్తుతున్నాయి.
TG: హైదరాబాద్ బాలానగర్లోని నేషనల్ రిమోట్ సెన్సింగ్.. అప్రెంటీస్ ఖాళీల భర్తీకి అప్లికేషన్లు కోరుతోంది. అభ్యర్థులు ఆన్ లైన్ ద్వారా అప్లై చేయవచ్చు. అప్లికేషన్లను సెప్టెంబర్ 09 వరకు సమర్పించవచ్చు. మొత్తం పోస్టుల సంఖ్య 96 కాగా, పోస్టును అనుసరించి సంబంధిత విభాగంలో బీఏ, బి.కామ్, బీఎస్సీ, బి.టెక్ లేదా బీఈ, డిప్లొమా, బి.లైబ్రరీ సైన్స్లో ఉత్తీర్ణత సాధించి ఉండాలి.
ఇ-కామర్స్ దిగ్గజం ఫ్లిప్కార్ట్ పెద్ద ఎత్తున తాత్కాలిక నియామకాలను చేపట్టింది. బిగ్ బిలియన్ డేస్ సమయంలో కస్టమర్ల తాకిడిని తట్టుకోవడానికి ఈ నిర్ణయం తీసుకుంది. సప్లయ్ చైన్, లాజిస్టిక్స్, లాస్ట్ మైల్ డెలివరీ రంగాల్లో 2,20,000కు పైగా తాత్కాలిక ఉద్యోగాలు కల్పించనున్నట్లు ప్రకటించింది. లాజిస్టిక్ నెట్ వర్క్ టైర్-2, టైర్-3 నగరాల్లో ఓన్లీ డెలీవరీలు హబ్లు ఏర్పాటు చేయనుంది.
సంగారెడ్డిలోని ప్రభుత్వ బాలికల జూనియర్ కళాశాలలో మంగళవారం ఉదయం 10 గంటలకు ఉద్యోగమేళా నిర్వహిస్తున్నట్లు జిల్లా ఇంటర్ అధికారి గోవిందారం సోమవారం ఓ ప్రకటనలో తెలిపారు. HCL- TEC-B ఆధ్వర్యంలో జాబ్ మేళా జరుగుతుందని పేర్కొన్నారు. ఎంపికైన వారికి శిక్షణతో పాటు ఉద్యోగ అవకాశాలు కల్పిస్తారని చెప్పారు. విద్యార్థులు అవకాశాన్ని సద్వినియోగం చేసుకోవాలన్నారు.
భారత తపాలా శాఖ ఇవాళ్టి నుంచి అమెరికాకు అన్ని పోస్టల్ సేవలను తాత్కాలికంగా నిలిపివేయనుంది. US ఇటీవల విధించిన కస్టమ్స్ నిబంధనల కారణంగానే ఈ నిర్ణయం తీసుకున్నట్లు వెల్లడించింది. US విధించిన కొత్త సుంకాల ప్రకారం, అన్ని అంతర్జాతీయ పోస్టల్ వస్తువులపై కస్టమ్స్ డ్యూటీ వర్తిస్తుంది. తద్వారా పోస్టల్ సేవలపై అధిక భారం పడుతోంది. ఈ నేపథ్యంలో భారత్ ఈ సేవలను నిలిపివేయాలని నిర్ణయించుకుంది.
AP: రాష్ట్రంలో మెగా డీఎస్సీలో ఎంపికైన అభ్యర్థుల సర్టిఫికెట్ల పరిశీలన రేపటికి వాయిదా పడింది. ముందుగా ప్రకటించిన షెడ్యూల్ ప్రకారం ఇవాళ్టి నుంచి ప్రారంభం కావాల్సి ఉంది. అయితే, వెరిఫికేషన్ వాయిదా వేసినట్లు పాఠశాల విద్యాశాఖ వెల్లడించింది. కాగా, ఇప్పటికే డీఎస్సీ మెరిట్ జాబితాను పాఠశాల విద్యాశాఖ విడుదల చేసింది. కాల్ లెటర్లను ఇవాళ ఉదయం నుంచి అభ్యర్థుల లాగిన్లో ఉంచనున్నారు.
ASR: కొయ్యూరు మండలం వైఎన్ పాకలు గ్రామానికి చెందిన సెగ్గే తేజస్ రామాంజనేయ స్వరూప్ ఎన్ఐటీలో సీటు సాధించాడు. ఇటీవల వెలువడిన జేఈఈ మెయిన్స్లో ఉత్తమ ప్రతిభ కనపరచిన స్వరూప్కు మిజోరం ఎన్ఐటీలో మెకానికల్లో సీటు లభించిందని స్వరూప్ తండ్రి సతీష్ ఆదివారం తెలిపారు. మారుమూల గ్రామానికి చెందిన గిరిజన యువకుడు ఎన్ఐటీలో సీటు సంపాదించడం పట్ల పలువురు అభినందించారు.
కృష్ణా: అవనిగడ్డ వాసి అలపర్తి నరేంద్ర స్కూల్ అసిస్టెంట్ ఫిజికల్ ఎడ్యుకేషన్ పరీక్షలో 88 మార్కులతో జిల్లాలో ప్రథమ స్థానం సాధించారు. జోన్ల వారీగా నిర్వహించిన ఫిజికల్ డైరెక్టర్ పరీక్షలో 3 జిల్లాల అభ్యర్థులు పోటీ పడగా, 83 మార్కులతో మూడో ర్యాంకు సాధించారు. అలాగే, జోన్ల వారీగా నిర్వహించిన ఫిజికల్ ఎడ్యుకేషన్ పరీక్షలో 7వ ర్యాంకు సాధించి, రాసిన మూడు పరీక్షల్లోనూ ఉత్తీర్ణత సాధించారు.
MBNR: జడ్చర్లలోని డా. బూర్గుల రామకృష్ణారావు ప్రభుత్వ డిగ్రీ కళాశాలలో ఈ నెల 25న మెగా జాబ్ మేళా నిర్వహిస్తున్నట్లు ప్రిన్సిపాల్ సుకన్య ఒక ప్రకటనలో తెలిపారు. ఎస్ఎస్ఎస్వీ సొల్యూషన్స్ కంపెనీ,కెరీర్ గైడెన్స్ సంయుక్త ఆధ్వర్యంలో అరబిందో ఫార్మా కంపెనీలో ఉద్యోగాల కోసం మేళా నిర్వహిస్తున్నామని, బీఎస్సీ ఉత్తీర్ణత, ఐటీఐ, డిప్లొమా కోర్సులు చేసిన వారు అర్హులన్నారు.
IIT గౌహతి GATE-2026 (గ్రాడ్యుయేట్ ఆప్టిట్యూడ్ టెస్ట్ ఇన్ ఇంజినీరింగ్) రిజిస్ట్రేషన్ ప్రక్రియ షెడ్యూల్ విడుదలైంది. రేపటి నుంచి రిజిస్ట్రేషన్ ప్రక్రియ ప్రారంభం కానుంది. అభ్యర్థులు అధికారిక వెబ్సైట్ gate2026.iitg.ac.in నుంచి దరఖాస్తు చేసుకోవచ్చు. రిజిస్ట్రేషన్ ప్రక్రియ సెప్టెంబర్ 25 వరకు కొనసాగనుంది. ఆలస్య రుసుముతో అక్టోబర్ 6 వరకు రిజిస్టర్ చేసుకోవచ్చు.
కేంద్ర హోంశాఖ ఆధ్వర్యంలోని ఇంటెలిజెన్స్ బ్యూరోలో.. జూనియర్ ఇంటెలిజెన్స్(JIO) ఆఫీసర్ పోస్టుల భర్తీకి నోటిఫిషన్ విడుదలైంది. దరఖాస్తు ప్రక్రియ ప్రారంభం కాగా.. సెప్టెంబర్ 14 చివరి తేదీ. మొత్తం ఖాళీలు 394. అభ్యర్థి వయస్సు 18-27 ఏళ్ల మధ్య ఉండాలి. ప్రభుత్వ నిబంధనల ప్రకారం SC, ST, OBC, మాజీ సైనికులకు వయస్సులో సడలింపు ఉంటుంది. వివరాలకు అధికారిక వెబ్సైట్ను సంప్రదించాలి.
