Onion Price Hike: టమాటా తర్వాత ఇప్పుడు ఉల్లి ధర ప్రజల కంట కన్నీరు తెప్పించేందుకు సిద్ధమైంది. రాజధాని ఢిల్లీలోని రిటైల్ మార్కెట్‌లో ఉల్లి కిలో రూ.50 నుంచి 60 వరకు లభిస్తోంది. కాగా వారం రోజుల క్రితం ఉల్లి కిలో రూ.30 నుంచి 40 వరకు లభించింది. వారం రోజుల్లోనే ఉల్లి ధర 50 శాతం పెరిగింది. ఇక డిసెంబర్‌లో కొత్త పంట రాకముందే ఖరీదైన ఉల్లిపాయల నుంచి ఉపశమనం లభించే అవకాశం కనిపించడం లేదు. మరికొద్ది రోజులు ఉల్లి ధరల పెరుగుదల ట్రెండ్ కొనసాగవచ్చు. NCCF, NAFED ద్వారా బఫర్ స్టాక్ నుండి ఉల్లిపాయలను విక్రయించాలని ప్రభుత్వం ప్రకటించింది. ఉల్లి ధరల పెరుగుదల నుండి సాధారణ వినియోగదారులకు ఉపశమనం కలిగించడానికి ప్రభుత్వం ధరల స్థిరీకరణ నిధి ద్వారా ఉల్లిపాయల బఫర్ స్టాక్‌ను కూడా రూపొందించింది. ఉల్లి ఎగుమతులను అరికట్టేందుకు 40 శాతం ఎగుమతి సుంకాన్ని విధించారు. ఇదిలావుండగా, రిటైల్ మార్కెట్‌లో ఉల్లి ధరలు పెరుగుతూనే ఉన్నాయి.
చదవండి:Amala Paulకి లవ్ ప్రపోజల్.. ఓకే చేసిన బ్యూటీ
ఖరీదైన ఉల్లిపై మొదలైన రాజకీయం
వచ్చే నెలలో భారతదేశంలోని ప్రధాన రాష్ట్రాలలో అసెంబ్లీ ఎన్నికలు జరిగనున్నాయి. ఈ సమయంలోనే ఉల్లి ధరల పెరుగుదల కనిపిస్తుంది. ఉల్లి వినియోగం ఎక్కువగా ఉన్న రాష్ట్రాలు ఇవి. ఉల్లి ధరలు విపరీతంగా పెరగడం కూడా అధికార పార్టీకి ఎన్నికలలో నష్టం కలిగించవచ్చు. ఉల్లి ధరల పెరుగుదల తర్వాత ప్రతిపక్ష పార్టీ కాంగ్రెస్ ఇప్పటికే తన సోషల్ మీడియా హ్యాండిల్స్ ద్వారా ప్రభుత్వాన్ని టార్గెట్ చేయడం ప్రారంభించింది. ప్రతి సంవత్సరం బంగాళదుంపలు, ఉల్లిపాయలు, టమోటాల ధరలలో భారీ హెచ్చుతగ్గులు కనిపిస్తాయి. దీనిని ఎదుర్కోవడానికి, 2018-19 ఆర్థిక సంవత్సరం బడ్జెట్‌లో, టమోటో, ఉల్లిపాయ, బంగాళాదుంపలను అభివృద్ధి చేయడానికి ప్రభుత్వం ఆపరేషన్ ఫ్లడ్ తరహాలో ఆపరేషన్ గ్రీన్‌ను ప్రకటించింది. దీని కోసం టాప్ (టమోటా, ఉల్లిపాయ, పొటాటో) రూ.500 కోట్లు ఖర్చు చేయగా.. తరువాత, కోవిడ్ మొదటి వేవ్ సమయంలో అన్ని పండ్లు, కూరగాయలు ఈ పథకంలో చేర్చబడ్డాయి. ఫుడ్ ప్రాసెసింగ్ మంత్రిత్వ శాఖ ఈ పథకాన్ని అమలు చేసే నోడల్ ఏజెన్సీ. మంత్రిత్వ శాఖ ద్వారా పథకం సరైన కార్యాచరణపై ప్రశ్న తలెత్తాయి. దీంతో TOP పథకాన్ని సరైన అమలు కోసం వ్యవసాయ మంత్రిత్వ శాఖకు అప్పగించే అవకాశాలు ఉన్నాయి.
చదవండి:Stock Market Crash: కుప్పకూలిన స్టాక్ మార్కెట్లు.. రూ.22లక్షల కోట్లు ఆవిరి
టమోటా తర్వాత ఇప్పుడు ఖరీదైన ఉల్లిపాయలు
ఈ ఏడాది వర్షాకాలంలో వర్షాభావ పరిస్థితుల కారణంగా జూన్‌ నుంచి ఆగస్టు వరకు టమాటా ధరలు ఆకాశాన్నంటాయి. టమాటా రిటైల్ మార్కెట్‌లో కిలో రూ.250 నుంచి 300 వరకు లభించింది. దీంతో టమాటా ప్రజల వంటగదుల నుంచి మాయమైంది. టమాటా ధరల పెరుగుదల కారణంగా జులైలో ఆహార ద్రవ్యోల్బణం రెండంకెలకు చేరుకుంది. ఆగస్ట్ చివరిలో కొత్త పంట టమోటాలు వచ్చిన తరువాత, ధరలలో క్షీణత ప్రారంభమైంది. ఇది ఖరీదైన టమోటాల నుండి ప్రజలకు ఉపశమనం కలిగించింది. కానీ ఆంధ్రప్రదేశ్, కర్ణాటక వంటి రాష్ట్రాల్లో సాధారణం కంటే తక్కువ వర్షపాతం నమోదవడంతో ఉల్లి ఉత్పత్తి తగ్గే అవకాశం ఉంది. దీని కారణంగా టమోటా తర్వాత ఉల్లి ధరలు పెరగడం పండుగ సీజన్‌లో సామాన్య ప్రజలకు ద్రవ్యోల్బణ షాక్‌ను ఇస్తుంది.
