India Forex Reserves: భారతదేశ విదేశీ మారకద్రవ్య నిల్వలు క్షీణిస్తూనే ఉన్నాయి. తాజాగా 4 నెలల కనిష్ట స్థాయికి చేరుకున్నాయి. సెప్టెంబర్ 22తో ముగిసిన వారంలో దేశ విదేశీ మారక నిల్వలు 2.33 బిలియన్ డాలర్లు తగ్గి 590.70 బిలియన్ డాలర్లకు చేరుకున్నాయి. డాలర్‌తో రూపాయి విలువ పడిపోవడంతో రిజర్వ్ బ్యాంక్ ఆఫ్ ఇండియా భవిష్యత్తులో ప్రభుత్వ రంగ బ్యాంకుల ద్వారా డాలర్లను విక్రయించవచ్చు. విదేశీ మారక నిల్వల్లో క్షీణత వరుసగా మూడో వారం కొనసాగుతోంది. రిజర్వ్ బ్యాంక్ ఆఫ్ ఇండియా వెబ్‌సైట్‌లో విడుదల చేసిన డేటా ప్రకారం, గత వారం 2.33 బిలియన్ డాలర్ల క్షీణత నమోదైంది. గత వారం అంటే సెప్టెంబర్ 15తో ముగిసిన వారంలో దేశ విదేశీ మారకద్రవ్య నిల్వలు 593.03 బిలియన్ డాలర్లుగా ఉండగా ఇందులో కూడా 5 బిలియన్ డాలర్ల క్షీణత నమోదైంది. దీన్ని కలిపి చూస్తే.. వరుసగా రెండు వారాల్లో దేశ విదేశీ మారకద్రవ్య నిల్వల్లో మొత్తంగా 5.9 బిలియన్ డాలర్ల క్షీణత కనిపించింది.
చదవండి:Pocso Act: లైంగిక సంబంధాలకు సమ్మతి వయస్సును మార్చడం సరికాదు : లా కమిషన్‌
విదేశీ మారక నిల్వలు నిరంతరం క్షీణించడం వల్ల, రిజర్వ్ బ్యాంక్ ఆఫ్ ఇండియా కూడా ఆందోళనకు గురికావచ్చు. దీని ఫలితంగా ప్రభుత్వ రంగ బ్యాంకుల ద్వారా డాలర్లను విక్రయించవచ్చనే వార్తలు వస్తున్నాయి. భారత కరెన్సీ రూపాయిని బలోపేతం చేసేందుకు ఆర్‌బీఐ కొన్ని నిర్దిష్టమైన చర్యలు తీసుకోగలదని విశ్వసిస్తున్నారు. ఇంటర్‌బ్యాంక్ ఫారిన్ కరెన్సీ ఎక్స్ఛేంజ్ మార్కెట్లో, రూపాయి శుక్రవారం అమెరికన్ కరెన్సీతో పోలిస్తే 14 పైసల పెరుగుదలతో డాలర్‌కు 83.05 (తాత్కాలిక) వద్ద ముగిసింది. స్టాక్ మార్కెట్లలో బలమైన ధోరణి, ప్రధాన విదేశీ కరెన్సీలతో పోలిస్తే డాలర్‌లో భారీ పతనం కారణంగా భారతీయ కరెన్సీ రూపాయి ఈరోజు ఊపందుకుంది. విదేశీ ఇన్వెస్టర్ల అమ్మకాల ఒత్తిడి, అంతర్జాతీయ మార్కెట్లో ముడి చమురు ధరలు పెరగడం దేశీయ యూనిట్‌పై ప్రభావం చూపాయని కరెన్సీ ట్రేడర్లు తెలిపారు.
చదవండి:Janhvi Kapoor : పోర్న్ సైట్లలో నా ఫొటోలు చూసి షాకయ్యా : జాన్వీ
