తెలంగాణ (Telanagna) ప్రభుత్వం ఈవీ వెహికిల్స్‌కు అందిస్తున్న పోత్సాహంతో కంపెనీలు పెద్ద ఎత్తున ఈవీలను మార్కెట్లోకి తీసుకొస్తున్నాయి. ఎలక్ట్రిక్ వాహనాల (Electric vehicles) కు క్రేజ్‌ పెరుగుతున్నది. పర్యావరణ పరిరక్షణలో భాగంగా ఇప్పుడు అందరి చూపు ఈవీల వైపునకు మళ్లుతున్నది.మరోవైపు సినీ హీరోలు కూడా ఈవీల బాటే పడుతున్నారు.ఈ పరిణామాలతో మార్కెట్లో ఈవీ వాహన కొనుగోళ్లకు డిమాండ్ పెరిగిందని షోరూం నిర్వాకులు వెల్లడించారు. మొన్న మెగాస్టార్‌ చిరంజీవి(Megastar Chiranjeevi) 1.9కోట్లతో టొయోటా వెల్‌ఫైర్‌ (ఎలక్ట్రిక్ అండ్‌ పెట్రోల్) కారు కొనుగోలు చేయగా నిన్న సినీ హీరో రవితేజ (Hero Ravi Teja) రూ. 34.49లక్షలతో బీవైడీ-ఏటీటీఓ 3 ఎలక్ట్రిక్ కారును తీసుకున్నారు.
చదవండి : ప్రారంభమైన ఛార్‌ధామ్ యాత్ర..యమునోత్రిలో ప్రత్యేక పూజలు
ఇప్పుడు అదే బాటలో హీరో అల్లరి నరేశ్‌(Hero Allari Naresh) రూ. 64.95లక్షలతో కియా ఈవీ6 జీటీ ఎలక్ట్రిక్ కారును కొనుగోలు చేశారు. ఖైరతాబాద్‌ ఆర్టీఏ (RTA OFFICE) కార్యాలయంలో శుక్రవారం రిజిస్ట్రేషన్‌ ప్రక్రియ పూర్తి చేశారు. కాగా అతడి కారుకు టీఎస్‌09జీబీ2799 నంబర్‌ను కేటాయించారు. ఇలా నగరంలో ఈవీ(EV) ల కొనుగోలు జోరందుకుంది. ఈవీ వాహనాల్లో సదరు కంపెనీలు పోటాపోటీగా మార్కెట్లోకి వస్తున్నాయి. అత్యాధునిక ఫీచర్లతో వెహికిల్స్‌ను తీర్చిదిద్దుతున్నాయి. ప్రస్తుతం మార్కెట్లో డిమాండ్ ఉన్న టొయోటా (Toyota) నుంచి విడుదలైన ఈ వెల్‌ఫైర్‌లో అద్భుతమైన, అత్యాధునికమైన హైబ్రిడ్‌ ఎలక్ట్రిక్ ఫీచర్లతో పాటు భద్రతపరమైన అంశాలు బోలెడు ఉన్నాయి. హైస్పెసిఫికేషన్స్‌తో విడుదలైన ఈ మల్టీపర్పస్‌ వెహికిల్‌లో మూడు వరుసలు ఉంటాయి.అందులోను పెట్రోల్ రేట్ల భారం నుంచి కూడా బయట పడవచ్చు అన్న ఆలోచనతో.. ఇప్పుడు అందరి చూపు ఈవీల వైపునకు మళ్లుతున్నది.
చదవండి : బెంగళూరు ల్యాండ్ సెటిల్ మెంటే వివేకా హత్యకు కారణం: దస్తగిరి
