టర్కీ భూకంపం మిగిల్చిన విషాదం అంతా ఇంతా కాదు. 25వేల మందికి పైగా ఈ భూకంప ధాటికి ప్రాణాలు కోల్పోయారు. భవనాలన్నీ నేలమట్టమయ్యాయి. వేల మంది శిథిలాల కిందే చిక్కుకున్నారు. ఆ శిథిలాల కింద చిక్కుకున్న వారిని కాపాడేందుకు అధికారులు సహాయక చర్యలు చేపడుతూనే ఉన్నారు. ఇప్పటి వరకు కొందరిని బయటకు తీశారు. కాగా… ఆ శిథిలాల కింది చిక్కుకున్నవారు ప్రాణాలతో బయటపడేందుకు యుద్ధమే చేశారు. తాజాగా… ఓ యువకుడు తన మూత్రం తాగి తన ప్రాణాలు నిలపెట్టుకున్నట్లు చెప్పడం గమనార్హం.
అద్నాన్ మహమ్మద్ కోర్కుట్ అనే 17ఏళ్ల యువకుడు ఎలాగైనా ప్రాణాలు నిలపెట్టుకోవాలని అనుకున్నాడు. ఆకలిని తట్టుకున్నాడు. దాహార్తిని తీర్చుకోవడానికి వేరే మార్గంలేక.. తన మూత్ర తానే తాగేశాడు. దాదాపు 94 గంటల తర్వాత… అతను భయపటడటం విశేషం. బయటకు వచ్చిన తర్వాత.. దాహార్తి తీర్చుకోవడం కోసం మూత్రం తాగానంటూ అతను పడిన బాధను తన తల్లికి చెప్పుకోవడం గమనార్హం. ప్రాణాలతో బయటపడిన అతనని చూసి… కుటుంబ సభ్యులు ఆనందంతో కన్నీళ్లు పెట్టుకున్నారు.
కాగా… మరో 20ఏళ్ల విద్యార్థిని వాట్సాప్ కాపాడింది. తూర్పు తుర్కేయేలోని ఓ అపార్ట్మెంట్ లో భవన శిథిలాల కింద చిక్కుకున్న ఆ విద్యార్థి తెలివిగా ఆలోచించి తన స్నేహతులకు వాట్సాప్ లో తాను ఉన్న లొకేషన్ పంపాడు. అందులో ఎక్కడ ఉన్నాడో స్నేహితులకు చెప్పాడు. వారు సహాయక సిబ్బందికి సమాచారం ఇవ్వడంతో.. వారు వచ్చి క్షేమంగా బయటకు తీయడం గమనార్హం.
