ప్రపంచవ్యాప్తంగా కోట్లాది మంది అభిమానులను సంపాదించుకున్న స్టార్ హీరో రామ్ చరణ్(Ram Charan) సరికొత్త రికార్డును సృష్టించారు. ఇటీవల వానిటీ ఫెయిర్(vanity fair) యూట్యూబ్ ఛానెల్‌లో వారి వీడియో తాజాగా అన్ని రికార్డులను బద్దలు కొట్టింది. ఈ వీడియో ఏకంగా 6.5 మిలియన్లకు పైగా వీక్షణలను సాధించింది. దీంతో ఇప్పటి వరకు ఈ ఛానెల్‌లో అత్యధికంగా వీక్షించబడిన వీడియోగా ఇది రికార్డు క్రియేట్ చేసింది.
RRR స్టార్ రామ్ చరణ్ ఆస్కార్‌కి సిద్ధమయ్యాడు అనే టైటిల్‌తో ఈ వీడియోను పోస్ట్ చేశారు. వీడియోలో గ్లోబల్ స్టార్ రామ్ చరణ్, అతని అందమైన భార్య ఉపాసన(upasana) వారి రోజు వారి జీవితంలో నిర్వహించే కొన్ని ప్రత్యేకమైన అంశాల గురించి చెర్రీ వివరించారు. రామ్ హోటల్ గదిని సందర్శించిన క్రమంలో ఈ వీడియోను షూట్ చేశారు. ఆ క్రమంలో ఉపాసనపై రామ్ చరణ్ హెయిర్ స్ప్రే చేయడం, వారి వ్యక్తిగత జీవితం గురించి కొన్ని ప్రత్యేక అంశాలను వివరించడం వీడియోలో చూడవచ్చు.
ఇది కూడా చూడండి: Virupaksha Movie Review: విరూపాక్ష మూవీ ఫుల్ రివ్యూ
మరోవైపు ఉపాసన(upasana) అందమైన చీరను ధరించి, మేకప్ వేసుకుంటున్నట్లు వీడియోలో కనిపించింది. ఇద్దరు తమ తమ గదుల నుంచి అందంగా రెడీ అయ్యి బయటకు రావడం, ఆ క్రమంలో రెడ్ కార్పెట్ సిద్ధంగా ఉండటం చూడవచ్చు. ఇలా వారి గదిని ప్రత్యేకంగా రూపొందించుకున్న విధానం చూపరులను ఆకట్టుకుంటుంది.
అంతేకాదు రామ్ చరణ్‌కి ఉన్న విపరీతమైన పాపులారిటీకి, ఆయన వ్యక్తిగత జీవితం పట్ల అభిమానులు(fans) ఎంతగానో ఆకర్షితులు అయ్యారనే దానికి ఈ వీడియోనే నిదర్శనమని చెప్పవచ్చు. దీంతో మిలియన్ల వ్యూస్‌తో అతని స్టార్ పవర్ చరిష్మాకు హద్దులు లేవని మరోసారి స్పష్టమైంది.
ఇది కూడా చూడండి: Twitter blue tick కోల్పోయిన ప్రముఖులు.. అమితాబ్, షారుఖ్, కోహ్లీ సహా వీరే
