బాణం సినిమాతో హీరోగా మారిన నారా రోహిత్.. ఆ తర్వాత సోలో, ప్రతినిధి, రౌడీ ఫేల్లో, అసుర లాంటి వైవిధ్యమైన చిత్రాలు చేసి, హీరోగా తనకంటూ టాలీవుడ్‌లో హీరోగా ప్రత్యేక గుర్తింపు తెచ్చుకున్నాడు. కానీ 2018 తర్వాత సినిమాలకు గ్యాప్ ఇచ్చాడు రోహిత్. చివరగా వీరభోగ వసంత రాయలు అనే సినిమా చేశాడు. ఆ తర్వాత కరోనా లాంటి పరిస్థితులు ఎదురవడంతో సినిమాలకు కాస్త బ్రేక్ ఇచ్చాడు. కానీ ఇప్పుడు తిరిగి సాలిడ్ బౌన్స్ బ్యాక్ అయ్యేందుకు రెడీ అవుతున్నాడు. ఈ క్రమంలోనే ‘ప్రతినిధి 2’ అనౌన్స్ చేశాడు. ఈ సినిమాకు జర్నలిస్ట్‌ మూర్తి దేవగుప్తపు దర్శకత్వం వహిస్తున్నాడు. 2014లో వచ్చిన ప్రతినిధి మూవీ అప్పట్లో మంచి విజయాన్ని అందుకుంది. పొలిటికల్‌ నేపథ్యంలో తెరకెక్కిన ఈ సినిమా కమర్షియల్‌గా పెద్దగా సక్సెస్ కాక‌పోయిన.. సంచలనాలు మాత్రం సృష్టించింది. అందుకే ఇప్పుడు సీక్వెల్ ప్లాన్ చేస్తున్నారు. రీసెంట్‌గా ఫ‌స్ట్ లుక్‌ పోస్టర్‌ రిలీజ్ చేయగా మంచి రెస్పాన్స్ వచ్చింది.
ఇక తాజాగా రిలీజ్ చేసిన కాన్సెప్ట్ టీజర్ మరింత ఇంట్రెస్టింగ్ ఉందనే చెప్పాలి. ఈ సినిమాకు డైరెక్టర్ జర్నలిస్ట్‌ కావడంతో.. ఏపిలో రానున్న ఎన్నికల టార్గెట్‌గా ప్రతినిధి 2 రాబోతున్నట్టుగా తెలుస్తోంది. ఈ సినిమాను వీలైనంత త్వరగా షూటింగ్‌ కంప్లీట్‌ చేసి, ఎన్నికల ముందే రిలీజ్ చేయాలని ప్లాన్‌లో ఉన్నట్టు టాక్. ఈ సినిమాను వానరా ఎంటర్‌టైన్‌మెంట్స్ బ్యానర్‌పై కుమార్‌ రాజా బత్తుల, ఆంజనేయులు శ్రీతోట, కొండకళ్ల రాజేందర్‌ రెడ్డి నిర్మిస్తుండ‌గా.. మహతి స్వర సాగర్ సంగీతం అందిస్తున్నాడు. మరి నారా రోహిత్ ఈ సినిమాతో ఎలాంటి విజయాన్ని అందుకుంటాడో చూడాలి.
ఇది కూడా చూడండి: Brahmanandam: పవన్ కళ్యాణ్ అంతా మంచితనం ఉన్న మనిషి
