ఒడిశాలోని బాలాసోర్ జిల్లాలో శుక్రవారం రాత్రి జరిగిన వినాశకరమైన ట్రిపుల్ రైలు ప్రమాదంలో కనీసం 233 మంది మరణించారు. 900 మందికి పైగా గాయపడ్డారని అధికారులు ధృవీకరించారు. ఈ నేపథ్యంలో పద్దెనిమిది సుదూర రైళ్లు రద్దు చేయబడ్డాయి. ఏడు రైళ్లను టాటానగర్ స్టేషన్ మీదుగా మళ్లించారు. భారతీయ రైల్వే వెబ్‌సైట్‌ను సందర్శించడం ద్వారా లేదా భారతీయ రైల్వే హెల్ప్‌లైన్ నంబర్‌కు కాల్ చేయడం ద్వారా ఈ వివరాలు తెలుసుకోవచ్చు. ఈ క్రమంలో ఆయా ప్రాంతాల్లో ప్రయాణించే ప్రజలు ముందు తమ రైలు స్థితిని తనిఖీచేసుకుని ప్రయాణించాలని అధికారులు కోరారు.
12837 హౌరా-పూరీ సూపర్‌ఫాస్ట్ ఎక్స్ప్రెస్
12863 హౌరా-బెంగళూరు సూపర్ ఫాస్ట్ ఎక్స్ప్రెస్
12839 హౌరా-చెన్నై మెయిల్
12895 హౌరా-పూరీ సూపర్‌ఫాస్ట్ ఎక్స్ప్రెస్
20831 హౌరా-సంబల్‌పూర్ ఎక్స్ప్రెస్
02837 సంత్రాగచ్చి-పూరి ఎక్స్ప్రెస్
12841 షాలిమార్-చెన్నై సెంట్రల్ కోరమాండల్ ఎక్స్ప్రెస్ ఖరగ్‌పూర్-టాటా-జార్సుగూడ-సంబల్‌పూర్ సిటీ-కటక్ మీదుగా మళ్లించబడుతుంది.
18477 పూరీ-యోగ్ నగ్రి రిషికేశ్ జార్సుగూడకు బదులుగా సంబల్‌పూర్ సిటీ-జార్సుగూడ రోడ్-IB మీదుగా మళ్లించబడుతుంది.
మరోవైపు ఈ ఘటన నేపథ్యంలో గోవా నుంచి ముంబైకి శనివారం ప్రారంభించాల్సిన వందే భారత్ ఎక్స్ప్రెస్ రైలు కార్యక్రమం రద్దు చేయబడిందని కొంకణ్ రైల్వే అధికారి తెలిపారు. గోవాలోని మడ్‌గావ్‌ నుంచి మహారాష్ట్రలోని ముంబై వరకు తొలి వందే భారత్ ఎక్స్ప్రెస్ రైలును ప్రధాని నరేంద్ర మోదీ ప్రారంభించనున్నారు. తదుపరి సహాయం కోసం ఒడిశా ప్రభుత్వం హెల్ప్‌లైన్ నంబర్‌ను ఏర్పాటు చేసింది: 06782-262286
హౌరా: 033-26382217
ఖరగ్‌పూర్: 8972073925
బాలాసోర్: 8249591559
చెన్నై: 044-25330952
ఇది కూడా చూడండి: Odisha train accident:లో 233 మంది మృతి, 900 మందికి గాయాలు
