ఆ ఇంటిల్లిపాది పెళ్లికి ఏర్పాట్లు చేస్తోంది. మరికొద్ది గంటల్లో పెళ్లి జరగనుంది. ఇంటి ముందు టెంట్ వేసుకున్నారు. అలంకరణ పూర్తయింది. భోజనాలు వండుతున్నారు. ఇంతలో ఊహించని విషాదం చోటుచేసుకుంది. పెండ్లికుమారుడి కుమారుడు జూన్ 13వ తేదీ మంగళవారం రాత్రి వడదెబ్బ(sunstroke)కు గురై చికిత్స పొందుతూ పెళ్లికి ముందే మృతి చెందాడు. ఈ ఘటన కుమ్రంభీం ఆసిఫాబాద్ జిల్లా కౌటాల మండలం గుడ్లబోరిలో విషాదం నింపింది
అదే గ్రామానికి చెందిన గుండ్ల సాలయ్య-యశోదకు ముగ్గురు కుమారులు. ఇందులో గుండ్ల తిరుపతి(26) పెద్ద కుమారుడు. ఇటీవల మంచిర్యాల జిల్లా భీమిని గ్రామానికి చెందిన యువతితో వివాహమైంది. జూన్ 14వ తేదీ..బుధవారం మధ్యాహ్నం రెండు గంటలకు కల్యాణోత్సవం. పెళ్లి పనుల్లో తిరుగుతున్న వివాహిత కుమారుడు తిరుపతి సోమవారం వడదెబ్బకు గురయ్యాడు. వాంతులు, విరేచనాలతో బాధపడుతున్న తిరుపతిని కుటుంబ సభ్యులు(family) కాగజ్‌ నగర్‌కు తీసుకెళ్లి ఓ ప్రైవేట్‌ ఆస్పత్రిలో చేర్పించారు.
ఇది కూడా చూడండి: Three elephants: చిత్తూరు జిల్లాలో లారీ ఢీకొని 3 ఏనుగులు మృతి
అక్కడ చికిత్స పొందుతుండగా..మంగళవారం రాత్రి ఆయన ఆరోగ్యం క్షీణించింది. మెరుగైన వైద్యం కోసం మంచర్యాలకు తరలించారు. అక్కడ చికిత్స పొందుతూ నిన్న రాత్రి పెళ్లి కుమారుడు తిరుపతి మృతి చెందాడు. ఈ ఘటనతో వారి స్వగ్రామం(village)లో విషాదఛాయలు అలుముకున్నాయి. పెళ్లి ఏర్పాట్ల దగ్గరే మృతదేహాన్ని పెట్టాల్సి రావడంతో కుటుంబ సభ్యులు, బంధువులు కన్నీరుమున్నీరుగా విలపిస్తున్నారు. పెళ్లికి వచ్చిన వారు..తిరుపతి అంత్యక్రియల్లో పాల్గొనడం మరింత విషాదంగా మారింది. పెళ్లిలో ఆశీర్వదించాల్సిన వారు తిరుపతిని కన్నబిడ్డలా చూస్తూ కన్నీరుమున్నీరుగా విలపిస్తున్నారు.
