మహారాష్ట్ర(Maharashtra) రాజకీయాల్లో కీలక ట్విస్ట్ చోటుచేసుకుంది. ఎన్సీపీ(NCP) అధినేత శరద్ పవార్ పై అజిత్ పవార్(ajit pawar) తిరుగుబాటు ప్రకటించారు. ఈ క్రమంలో అజిత్ పవార్ పలువురు ఎమ్మెల్యేలతో కలిసి షిండే ప్రభుత్వంలో చేరారు. ఆ తర్వాత వెంటనే మహారాష్ట్ర ఉప ముఖ్యమంత్రి(deputy cm)గా అజిత్ పవార్ ఆదివారం (జూలై 2) రాజ్‌భవన్‌లో ముఖ్యమంత్రి ఏక్‌నాథ్ షిండే సమక్షంలో ప్రమాణ స్వీకారం చేశారు. ఈ సందర్భంగా ఎన్సీపీ సీనియర్ నేత ఛగన్ భుజబల్ మహారాష్ట్ర మంత్రిగా ప్రమాణ స్వీకారం చేశారు. ఉపముఖ్యమంత్రి దేవేంద్ర ఫడ్నవీస్‌ కూడా ప్రమాణ స్వీకారం సందర్భంగా రాజ్‌భవన్‌లో ఉన్నారు.
మహారాష్ట్ర మాజీ హోం మంత్రులు(ministers) దిలీప్ వాల్సే పాటిల్, హసన్ ముష్రిఫ్, సంజయ్ బన్సోడే, అదితి తట్కరే, ధర్మారావు, ధనంజయ్ ముండే కూడా మహారాష్ట్ర మంత్రులుగా ప్రమాణ స్వీకారం చేశారు. అజిత్ పవార్‌తో పాటు రాజ్‌భవన్‌కు వెళ్లిన కొంతమంది ఎమ్మెల్యేలు పాట్నాలో జరిగిన ప్రతిపక్ష ఐక్య సమావేశంలో రాహుల్ గాంధీతో వేదిక పంచుకోవాలని, ఆయనకు సహకరించాలని శరద్ పవార్ తీసుకున్న “ఏకపక్ష” నిర్ణయంపై కలత చెందినట్లు తెలుస్తోంది.
ప్రధాని మోదీ దార్శనికతకు మద్దతుగా ఈరోజు ఎన్సీపీ(NCP) అజిత్ పవార్, ఆయనతో పాటు ఉన్న నేతలు వచ్చారని బీజేపీ మహారాష్ట్ర రాష్ట్ర అధ్యక్షుడు చంద్రశేఖర్ బవాన్‌కులే అన్నారు. ఈ సమీకరణం మహారాష్ట్రకు బలం చేకూర్చేలా ఉంది. ఈ సమీకరణం మహారాష్ట్రను ముందుకు తీసుకెళ్తుంది. బీజేపీకి మద్దతివ్వాలని నేషనలిస్ట్ పార్టీ నిర్ణయించిందని మహారాష్ట్ర మంత్రి సుధీర్ ముంగంటివార్ తెలిపారు. మేము వారిని స్వాగతిస్తున్నామని ఈరోజు ఎన్సీపీకి చెందిన పలువురు ఎమ్మెల్యేలు పేర్కొన్నారు.
