lack of heroines in tollywood industry
ప్రస్తుతం మాస్ మహారాజా రవితేజ(ravi teja) ఏ మాత్రం గ్యాప్ లేకుండా వరుస సినిమాలతో దూసుకుపోతున్నాడు. దసరాకు టైగర్ నాగేశ్వర రావుగా వచ్చిన మాస్ రాజా.. సంక్రాంతికి ఈగల్‌గా వస్తున్నాడు. కార్తిక్ ఘట్టమనేని డైరెక్ట్ చేస్తున్న ఈ సినిమా పై అంచనాలు బాగానే ఉన్నాయి. ఇక ఈ సినిమా తర్వాత హిట్ కాంబో రిపీట్ చేస్తూ.. గోపిచంద్ మలినేనితో ఓ సినిమా చేస్తున్నాడు రవితేజ. త్వరలోనే ఈ సినిమా రెగ్యూలర్ షూటింగ్ స్టార్ట్ కానుంది. ఇప్పటివరకు ఫ్లాప్ చూడాని ఈ మాస్ కాంబినేషన్ పై అంచనాలు గట్టిగానే ఉంటాయి. అయితే ఈ సినిమాలో హీరోయిన్‌ ఎవరనేది ఇంకా ఫైనల్ అవలేదు.
గతంలో నేషనల్ క్రష్ రష్మిక ఓకె అయిందని వినిపించినా.. క్లారిటీ ఇవ్వలేదు మేకర్స్. అయితే ఇప్పుడు ఓజి(OG) బ్యూటీ దాదాపుగా ఫైనల్ అయినట్టుగా తెలుస్తోంది. నాని గ్యాంగ్ లీడర్ సినిమాతో తెలుగు ఇండస్ట్రీకి పరిచయమై ప్రియాంక మోహన్(priyanka mohan).. ప్రస్తుతం పవన్ కళ్యాణ్ OG సినిమాలో హీరోయిన్‌గా నటిస్తోంది. ఈ ఒక్క ఛాన్స్‌తో టాలీవుడ్‌లో హాట్ కేక్‌గా మారిపోయింది ప్రియాంక. అమ్మడికి వరుస ఆఫర్లు వస్తునే ఉన్నాయి. ఇప్పటికే నానితో మరో ఛాన్స్ అందుకుంది. నాని లేటెస్ట్ ఫిల్మ్ ‘సరిపోదా శనివారం’ సినిమాలో నటిస్తోంది. ఇక ఇప్పుడు మాస్ మహారాజా, గోపీచంద్ మలినేని ప్రాజెక్ట్‌లోను ఛాన్స్ అందుకున్నట్టుగా తెలుస్తోంది. త్వరలోనే దీనిపై అఫిషీయల్ కన్ఫర్మేషన్ రానుందని అంటున్నారు. ఒకవేళ ప్రియాంక ఈ ఆఫర్ అందుకుంటే.. తెలుగులో తిరుగు లేనట్టే.
ఇది కూడా చూడండి: Salaar: సెకండ్ ట్రైలర్‌ డేట్ ఫిక్స్?
