కార్పొరేట్ విద్యాసంస్థలో ఒత్తిడి తట్టుకోలేక ఓ విద్యార్థి ఇటీవల బలవనర్మరణానికి పాల్పడిన సంగతి తెలిసిందే. ఈ ఘటనపై తాజాగా మాజీ మంత్రి కొడాలి నాని స్పందించారు. హైదరాబాద్ లోని చైతన్య కాలేజ్ లో చదువుతున్న ఓ విద్యార్ధి ఇటీవల చనిపోవడం బాధాకరం అని పేర్కొన్న ఆయన తమ పిల్లల భవిష్యత్తు కోసం శక్తికి మించి కొందరు తల్లిదండ్రులు చైతన్య వంటి సంస్థల్లో చదివిస్తున్నారని అన్నారు. కానీ అక్కడ డబ్బున్నోళ్లను ఒకలా..లేనోళ్లను ఒకలా చూస్తున్నారని అన్నారు.
తనకు వ్యతిరేకంగా పనిచేస్తున్నారని తెలిసినా జగన్ మోహన్ రెడ్డి అన్నింటికీ తెగించారని, పేదల తరఫున పోరాటం చేస్తున్నారని అన్నారు. అందుకే నాణ్యమైన విద్యను అందించేందుకు ఎంతో శ్రమిస్తున్నారని అన్నారు. ఇక చైతన్య, నారాయణ వంటి సంస్థలతో జగన్ మోహన్ రెడ్డి యుద్ధం చేస్తున్నారని, చంద్రబాబు, పవన్ కళ్యాణ్, పనికిరాని దద్దమ్మ లోకేష్ జగన్ మోహన్ రెడ్డిని నోటికొచ్చినట్లు తిడుతున్నారని అన్నారు.
ఈనాడు, ఆంధ్రజ్యోతి రోజుకో రకం డిబేట్లు పెట్టి నిందలేస్తున్నా ప్రజల కోసం జగన్ మోహన్ రెడ్డి భరిస్తున్నారని అన్నారు. ఇక జగన్ మోహన్ రెడ్డికి కొండాలమ్మ తల్లి ఆశీస్సులుండాలని కోరుకుంటున్నానని ఆయన అన్నారు.
