ఓ సినీ నటి ఇంట్లో పని చేసే వ్యక్తి ఒక్కసారిగా కోటీశ్వరుడు అయ్యాడు. అతడికి రూ.10 కోట్ల లాటరీ తగిలింది. అసోంకు చెందిన అల్బర్ట్ గిట్టా అనే వ్యక్తి కేరళలోని కొచ్చిలో ఉంటున్నాడు. కొన్నేళ్లుగా అతను ఓరు ముట్టాసీ గధ ఫేమ్ రజనీ చాందీ అనే నటి ఇంట్లో గెస్ట్ వర్కర్ గా పని చేస్తున్నాడు. అతనికి లాటరీ కొనుగోలు చేసే అలవాటు ఉంది. ఆ అలవాటు అతనిని ఇప్పుడు కోటీశ్వరుడిని చేసింది. కేరళ సమ్మర్ బంపర్ లాటరీలో అదృష్టం తగిలి, పది కోట్ల రూపాయల బంపర్ ప్రైజ్ రావడంతో అతని ఆనందానికి అవదుల్లేవు. అతను ఈ లాటరీ టిక్కెట్ ను అలువ నుండి కొనుగోలు చేశాడు. పది కోట్ల రూపాయల లాటరీ తగిలినప్పటికీ, ట్యాక్స్ కట్ అనంతరం అతని చేతికి రూ.6.6 కోట్లు వచ్చాయి. అతను తన టిక్కెట్ ను స్థానిక ఎస్బీఐ బ్యాంకు మేనేజర్ కు అందించాడు. అంతకుముందు కోల్ కతాలో మరో మైగ్రేంట్ వర్కర్ కు రూ.75 లక్షల లాటరీ తగిలింది.
