రోడ్డు ప్రమాదం(Road Accident)లో ఐదుగురు దుర్మరణం(5 died) చెందిన సంఘటన జమ్మూకశ్మీర్‌లో చోటుచేసుకుంది. మంగళవారం జమ్మూకశ్మీర్‌లోని దోడా జిల్లాలో ఈ ప్రమాదం జరిగింది. ఈ ఘటనలో మరో ఏడుగురికి తీవ్రంగా గాయాలు(7 Injured) అయ్యాయి. భదర్వా, పఠాన్ కోట్ రహదారిపై ఈ ప్రమాదం(Accident) జరిగింది. స్థానికుల సమాచారం మేరకు పోలీసులు సంఘటనా స్థలానికి చేరుకున్నారు. క్షతగాత్రులకు సహాయక చర్యలు అందించారు.
చదవండి: Uttar Pradesh: గేదె చనిపోయిన కేసులో 83 ఏళ్ల వ్యక్తికి అరెస్ట్ వారెంట్
గాయపడ్డవారిని ఆస్పత్రికి తరలించారు. ప్రమాద స్థలానికి చేరుకునే సరికే ఐదుగురు అక్కడికక్కడే మృతిచెందినట్లు పోలీసులు తెలిపారు. ఈ ఘటనలో గాయపడిన ఏడుగురు ఆస్పత్రిలో చికిత్స పొందుతున్నట్లు దోడా ఎస్పీ అబ్దుల్ ఖయూమ్ తెలిపారు. ప్యాసింజర్ వాహనం కథువా జిల్లాలోని బనీ ప్రాంతానికి వెళ్తుండగా ఈ ఘటన జరిగినట్లు తెలిపారు. ఈ ఘటనపై కేసు నమోదు చేసి దర్యాప్తు చేస్తున్నట్లుగా పోలీసులు వెల్లడించారు.
