PLD: వెల్దుర్తి క్యాంపు కార్యాలయంలో నియోజకవర్గ అభివృద్ధి, రానున్న ప్రాజెక్టులు, ప్రస్తుత రాజకీయ పరిస్థితులపై ఎమ్మెల్యే జూలకంటి బ్రహ్మానంద రెడ్డి మీడియా సమావేశం నిర్వహించారు. పలు అంశాలపై వివరాలు వెల్లడిస్తూ.. అభివృద్ధి కార్యక్రమాల పురోగతిపై స్పష్టత ఇచ్చారు. ప్రజలకు మెరుగైన మౌలిక వసతులు కల్పించడమే లక్ష్యమని తెలిపారు.
ప్రకాశం జిల్లా వ్యాప్తంగా పెట్రోల్, డీజిల్ కొరతపై వస్తున్న పుకార్లను నివారించేందుకు జిల్లా ఎస్పీ వీ. హర్షవర్ధన్ రాజు అద్దంకిలోని పెట్రోల్ బంకులను ఆకస్మికంగా తనిఖీ చేశారు. ఇంధన నిల్వలు సమృద్ధిగా ఉన్నాయని, ఎలాంటి కొరత లేదని స్పష్టం చేశారు. బంక్ నిర్వాహకులు కేవలం వాహనాలకు మాత్రమే ఇంధనం నింపాలని, క్యాన్లలో నింపరాదని ఆదేశించారు.
ATP: రాయదుర్గంలోని డ్వామా కార్యాలయంలో ఎమ్మెల్యే కాలవ శ్రీనివాసులు మంగళవారం వెలుగు గ్రామ సంఘాల వీవోఏలకు సెల్ ఫోన్లు పంపిణీ చేశారు. ఈ సందర్భంగా కుట్టు శిక్షణ పూర్తి చేసుకున్న సభ్యులకు సర్టిఫికెట్లు అందజేశారు. అనంతరం పీఎం-అజయ్ పథకం కింద ఎస్సీ, ఎస్టీ కుటుంబాలకు రూ.33.50 లక్షల రుణాల మంజూరు పత్రాలను మహిళలకు హ్యాండోవర్ చేశారు.
తిరుపతిలో ఇంధన కొరత, పెరిగిన ధరలకు వ్యతిరేకంగా ఆటో డ్రైవర్లు వినూత్న నిరసన చేపట్టారు. CITU ఆధ్వర్యంలో జరిగిన ఈ కార్యక్రమంలో డ్రైవర్లు ఆర్టీసీ బస్టాండ్ వద్ద అంబేద్కర్ విగ్రహం సర్కిల్ వరకు డీజిల్ లేక ఆగిపోయిన ఆటోలను తాడుతో లాగుతూ నిరసన తెలిపారు. మెడకు ఉరితాడు బిగించుకుని తమ ఆవేదనను వ్యక్తం చేస్తూ, ఇంధనం బ్లాక్ మార్కెట్ను అరికట్టి ఆటో కార్మికులను ఆదుకోవాలని డిమాండ్ చేశారు.
సత్యసాయి: చిత్తూరు జిల్లాలో ఏబీఎన్ రిపోర్టర్ జగన్మోహన్ రెడ్డి హత్యపై మంత్రి సవిత తీవ్ర దిగ్భ్రాంతి వ్యక్తం చేశారు. మంగళవారం ఆమె మాట్లాడుతూ.. జర్నలిస్టులను హత్య చేయడం క్షమించరాని నేరమని, నిందితులు ఎంతటి వారైనా వదిలేది లేదని స్పష్టం చేశారు. బాధిత కుటుంబానికి తన ప్రగాఢ సానుభూతి తెలియజేస్తూ, ప్రభుత్వపరంగా అన్ని విధాలా అండగా ఉంటామని హామీ ఇచ్చారు.
CTR: నగరి ఎంపీడీవో కార్యాలయంలో DRDA ఆధ్వర్యంలో 5G స్మార్ట్ ఫోన్ల పంపిణీ కార్యక్రమం జరిగింది. ఎమ్మెల్యే భాను ప్రకాష్ ముఖ్యఅతిథిగా పాల్గొని సంఘమిత్రలకు మొబైల్ ఫోన్లు అందజేశారు. క్షేత్రస్థాయిలో ప్రభుత్వ సేవలు, విధులను మరింత వేగంగా, సమర్థవంతంగా నిర్వహించాలనే లక్ష్యంతో ఈ పంపిణీ చేపట్టినట్లు ఆయన తెలిపారు. సాంకేతికతను అందిపుచ్చుకుని ప్రజలకు మెరుగైన సేవలందించాలని ఎమ్మెల్యే కోరారు.
E.G: కేవలం ఏపీలోనే పెట్రోల్, డీజీల్ సంక్షోభం, కృతిమ కొరత ఏర్పడిందని మాజీ మంత్రి, రూరల్ వైసీపీ ఇంఛార్జ్ వేణుగోపాలకృష్ణ విమర్శించారు. మంగళవారం రాజమండ్రిలోని పెట్రోల్ బంకు వద్ద వైసీపీ ఆధ్వర్యంలో నిరసన నిర్వహించారు. దేశంలో ఎక్కడా లేని విధంగా కేవలం రాష్ట్రంలోనే పెట్రోల్, డీజిల్ సంక్షోభం ఏర్పడిందని ఆయన మండిపడ్డారు. దీనిపై ప్రభుత్వం నుంచి ఎలాంటి చలనం లేదన్నారు.
W.G: రాష్ట్రంలోని అన్ని పెట్రోల్ బంకుల్లో డీజిల్ అందుబాటులో ఉంచాలని YCP నియోజకవర్గ కోఆర్డినేటర్ వడ్డీ రఘురాం నాయుడు డిమాండ్ చేశారు. ఇంధన కొరతపై మంగళవారం తాడేపల్లిగూడెంలో నిర్వహించిన నిరసనలో ఆయన పాల్గొన్నారు. డీజిల్ అందుబాటులో లేకపోతే బంకులను ముట్టడిస్తామని హెచ్చరించారు. ప్రస్తుతం బంకుల వద్ద టిన్నులు పెట్టే పరిస్థితి ఉందని ఎద్దేవా చేశారు.
ASR: ప్రముఖ పర్యాటక కేంద్రమైన అరకులోయలోని పెదలబుడు పంచాయతీ కార్మికులు తమ సమస్యల పరిష్కారం కోసం మంగళవారం నుంచి సమ్మెకు దిగారు. గత నాలుగు నెలలుగా వేతనాలు చెల్లించకపోవడంతో ఆర్థిక ఇబ్బందులు ఎదుర్కొంటున్నామని వారు తెలిపారు. సమ్మె కారణంగా పట్టణంలో చెత్తాచెదారం పేరుకుపోయి దుర్గంధం వ్యాపిస్తోంది. దీంతో అరకులోయ అందాలు మసకబారే పరిస్థితి నెలకొంది.
KDP: ఏపీలో పెట్రోల్, డీజిల్, గ్యాస్ కొరత తీవ్రంగా ఉందని కడప ఎంపీ వైఎస్ అవినాష్రెడ్డి కేంద్రానికి లేఖ రాశారు. 70% బంకుల్లో “నో స్టాక్” ఉందని పేర్కొంటూ, వెంటనే జోక్యం చేసి సరఫరా మెరుగుపరచాలని కోరారు. ఈ కొరత వల్ల వ్యవసాయం, వ్యాపార రంగాలు తీవ్రంగా దెబ్బతింటున్నాయని తెలిపారు. ఇతర రాష్ట్రాల్లో ఇలాంటి పరిస్థితి లేదని, ఏపీలోనే సమస్య ఎక్కువగా ఉందని ఎంపీ పేర్కొన్నారు.
NLR: కావలి పట్టణంలోని టీడీపీ కార్యాలయంలో కావలి ఎమ్మెల్యే కావ్య కృష్ణారెడ్డి, పీడీ నాగరాజకుమారితో కలిసి మంగళవారం విలేజ్ ఆర్గనైజేషన్ అసిస్టెంట్స్ (voa)లకు 5G మొబైల్ ఫోన్లు అందజేశారు. కావలి -41, బోగోలు -35, దగదర్తి -35, అల్లూరు -37 మొత్తం 148 మంది వీవోఏలకు రూ. 22,20,000 విలువైన ఫోన్లు అందజేశారు. గ్రామస్థాయిలో సేవలు మరింత సమర్థవంతంగా నిర్వహించాలని ఎమ్మెల్యే సూచించారు.
ప్రకాశం: టీడీపీ అధ్యక్షుడు, కనిగిరి ఎమ్మెల్యే ఉగ్ర నరసింహారెడ్డి విజ్ఞప్తి మేరకు, దక్షిణ మధ్య రైల్వే అధికారులు గుంటూరు నుంచి గుండ్లకమ్మ మీదుగా కనిగిరికి ప్రతిరోజూ ఒక డెమో రైలు నడపాలని నిర్ణయించారు. ఈ రైలు గుంటూరులో ఉదయం 8:30కు బయలుదేరి మధ్యాహ్నం 1గంటకు కనిగిరికి చేరుకుంటుంది. తిరిగి మధ్యాహ్నం 2 గంటలకు కనిగిరి నుంచి బయలుదేరి రాత్రి 7 గంటలకు గుంటూరుకు చేరుతుందని అధికారులు తెలిపారు.
గుంటూరు 48వ డివిజన్ పరిధిలో గల, రెడ్డిపాలెం గ్రామంలో HP పెట్రోల్ బంక్ను బలసాని మంగళవారం సందర్శించారు. వాహనదారులతో మాట్లాడారు. పెట్రోల్ డీజిల్ కొరత వలన పడుతున్న ఇబ్బందులు ప్రత్తిపాడు నియోజకవర్గ వైసీపీ ఇంఛార్జ్ బలసాని కిరణ్ కుమార్ తెలుసుకున్నారు. పెట్రోల్, డీజిల్ కృత్రిమ కొరత కూటమి ప్రభుత్వ నిర్లక్ష్యంమే అని వారు అన్నారు
కర్నూలు జిల్లాలో పెట్రోల్, డీజిల్ కృత్రిమ కొరతపై ఇవాళ సీపీఎం తీవ్ర ఆందోళన వ్యక్తం చేసింది. వ్యాపార వర్గాలు లాభాల కోసం కొరత సృష్టిస్తున్నాయని నేతలు ఆరోపించారు. ప్రజలు, రైతులు, వ్యాపారులు తీవ్ర ఇబ్బందులు ఎదుర్కొంటున్నారని పేర్కొన్నారు. తక్షణ చర్యలు తీసుకోకపోతే ఆందోళనలు చేపడతామని సీపీఎం నాయకులు హెచ్చరించారు.
SKLM: పలాస మండలం బంటుకొత్తూరు పంచాయతీ పెద్ద నారాయణపురం గ్రామంలోని పెద్ద చెరువులో ఉపాధి హామీ పనులను తెలుగుదేశం నాయకులు నిమ్మన గోపాలరావు ప్రారంభించారు. ఈ సందర్భంగా మంగళవారం ఉదయమే భూమి పూజ చేసి పనులు మొదలు పెట్టారు. ఈ కార్యక్రమంలో ఫీల్డ్ అసిస్టెంట్ గుంట హారతి, కార్యకర్తలు, ఉపాధి హామీ శ్రామికులు పాల్గొనడం జరిగింది.
