pawan kalyan comments If Jagan wins in ap five years suffer with wrong person
ఏపీలో 2024 ఎన్నికల్లో ‘అవినీతి’ వైఎస్సార్‌ కాంగ్రెస్‌ పార్టీని (YSRCP) తరిమికొట్టి జనసేన పార్టీని అధికారంలోకి తీసుకురావాలని జనసేన పార్టీ అధ్యక్షుడు పవన్ కల్యాణ్(pawan kalyan) ప్రజలను కోరారు. గురువారం జగదాంబ జంక్షన్‌లో జరిగిన భారీ సభను ఉద్దేశించి పవన్ ప్రసంగించిన క్రమంలో పేర్కొన్నారు. వైఎస్‌ఆర్‌సీపీ ప్రభుత్వం ఉదయం పూట వివిధ పథకాల ద్వారా డబ్బులు ఇస్తోందని..సాయంత్రం మద్యం విక్రయాల ద్వారా తిరిగి తీసుకుంటోందని ఆరోపించారు. ఇలాంటి తప్పుడు వ్యక్తిని ఎన్నుకోవడం వల్ల వచ్చే ఐదేళ్లపాటు మనల్ని పశ్చాత్తాపపడేలా చేస్తుందన్నారు. కాబట్టి ప్రజలు అప్రమత్తంగా ఉండాలన్నారు. 2014లో వైఎస్‌ఆర్‌సీపీ నాయకులు కొండలు, గనులు, సహజ వనరులను దోచుకుంటారని చెప్పిన మాట నిజమైందని గుర్తు చేశారు.
ఒకప్పుడు శాంతియుత నగరంగా ఉన్న విశాఖపట్నం(visakhapatnam) నగరం సొరచేపలు, గూండాల స్వర్గధామంగా మారిందన్నారు. తిరిగి శాంతిని నెలకొల్పుతామని ఇలాంటి ‘సామాజిక వ్యతిరేక శక్తుల’ నుంచి ప్రజలను రక్షిస్తామని పవన్ కల్యాణ్ హామీ ఇచ్చారు. సీఎం వైఎస్‌ జగన్‌మోహన్‌రెడ్డికి రాజ్యాంగంపై గౌరవం లేదన్నారు. పోలీసులను, అధికారులను తన బానిసలుగా మార్చుకున్నారని మండిపడ్డారు. విశాఖపట్నం, ఉత్తర ఆంధ్రలో ఒక నిర్దిష్ట ‘గ్రూప్’ ద్వారా భూమిని లాక్కుంటున్నారని ఆరోపించారు. భీమునిపట్నం సమీపంలోని ‘ఎర్రమట్టి దిబ్బలు’ జియో హెరిటేజ్ సైట్‌ను సైతం రియల్టర్లకు ఇచ్చి ప్రయోజనం చేకూర్చాలని చూస్తున్నారని వ్యాఖ్యానించారు.
పార్టీ నేతల ప్రైవేట్ కార్యక్రమాలను నిర్వహించేందుకు ఆంధ్రా యూనివర్సిటీని వైఎస్సార్‌సీపీ(YSRCP) కార్యాలయంగా మార్చారని ఆరోపించారు. యూనివర్సిటీ ర్యాంకింగ్ 2019లో 29వ స్థానం ఉండగా.. ఇప్పుడు 76కు పడిపోయిందన్నారు. ఎమ్మెల్సీ ఎన్నికల్లో అధికార పార్టీ తరపున వైస్సార్సీపీ ప్రచారం చేశారని, వీటన్నింటిని కేంద్రం దృష్టికి తీసుకెళ్తానని చెప్పారు. ‘అమ్మ ఒడి’ పథకాన్ని అపహాస్యం చేస్తూ 3 లక్షల మంది పిల్లలు ప్రభుత్వ పాఠశాలల నుంచి తప్పుకున్నారని, రాష్ట్రంలో 50,000 ఉపాధ్యాయ పోస్టులు ఖాళీగా ఉన్నాయని గుర్తు చేశారు. ప్రభుత్వ ఆస్తులు, సర్క్యూట్‌ హౌస్‌, తహసీల్దార్‌ కార్యాలయాలు, ప్రభుత్వ పాలిటెక్నిక్‌ వంటి భూములను కూడా వేలం వేసి రుణాలు సేకరించడంపై పవన్ ఆగ్రహం వ్యక్తం చేశారు. ఈ నేపథ్యంలో మళ్లీ ప్రజలు(people) జగన్ ని గెలిపిస్తే పండుగ సమయాల్లో మామిడి తోరణాలకు బదులు జిల్లేడు తోరణాలు కట్టుకోవాలని ఎద్దేవా చేశారు.
ఇది కూడా చూడండి: AP గవర్నర్‌ కోటా ఎమ్మెల్సీలుగా కుంభా రవిబాబు, కర్రి పద్మశ్రీ
