నెల్లూరు: అల్లూరు మండలంలోని పురిని శ్రీ వీరాంజనేయ స్వామి వారి దేవస్థానంలో భోగి పండుగ సందర్భంగా సోమవారం విశేష పూజా కార్యక్రమాలను ఏర్పాటు చేశారు. అనంతరం ప్రత్యేక పుష్పాలంకరణ, మంగళ వాయిద్యాలతో, వేద పండితుల నడుమ శ్రీ వీరాంజనేయ స్వామి వారి గ్రామోత్సవం అంగరంగ వైభవంగా జరిగింది. భక్తులు విచ్చేసి స్వామివారిని దర్శించుకున్నారు. అనంతరం తీర్థ ప్రసాదాలను స్వీకరించారు.
