kaniha ఈ ఫొటోలో ఉన్న నాటి హీరోయిన్‌ని గుర్తుపట్టారా? శ్రీకాంత్‌ హీరోగా నటించిన ఒట్టేసి చెబుతున్నా, రవితేజ హీరోగా నటించిన నా ఆటోగ్రాఫ్‌ సినిమాల్లో నటించిన తమిళనటి కనిహ. ఇప్పుడామె నడవలేని స్థితిలో ఉన్నారు. 2008 తర్వాత పెళ్లి చేసుకుని సినిమాలకు గ్యాప్‌ ఇచ్చిన కనిహ మళ్లీ ఈ మధ్య కాలంలో మలయాళం, తమిళ సినిమాలతో బిజీగా ఉంటున్నారు. అయితే ప్రస్తుతం ఈమె నడవలేని స్థితిలో ఉన్నారు. ఇదే విషయంపై కనిహ ఓ ఫోటోను ఇన్‌స్టాగ్రాంలో పోస్ట్‌ చేశారు.
ఇటీవల గాయపడిన ఆమె ఇప్పుడిప్పుడే కోలుకుంటున్నారు. ‘ఈ కొత్త బూట్లతో బ్యాలెన్సింగ్‌గా అడుగులు వేయడం నేర్చకుంటున్నా’ అని పోస్ట్‌ చేశారు. ఇది చూసిన పలువురు సినీ ప్రముఖులు, నెటిజన్లు త్వరగా కోలుకోవాలని కామెంట్లు చేస్తున్నారు. హీరోయిన్‌గా తెలుగు, తమిళ, మలయాళ భాషల్లో ఎన్నో చిత్రాల్లో నటించిన కనిహ పూర్తి పేరు దివ్య వెంకట సుబ్రహ్మణియన్‌. కథానాయికగా కంటే ముందు ఆమె సింగర్‌గా కెరీర్‌ ప్రారంభించారు. స్టార్‌ హీరోయిన్స్‌ అయిన జెనీలియా, సదా, శ్రియా శరణ్‌లకు డబ్బింగ్‌ చెప్పారు.
