ఇన్ని సంవత్సరాలపాటుగా సినీరంగానికి సేవలు అందించినందుకు గాను కమల్ హాసన్ కు ఐఫా జీవితకాల సాఫల్య పురస్కారం వరించింది. ఈ నెల 27న అబుదాబిలో జరగనున్న ఇంటర్నేషనల్ ఇండియన్ ఫిల్మ్ అవార్డ్స్ (IIFA 2023) కార్యక్రమంలో కమలహాసన్ ఈ అవార్డును అందుకోనున్నారు. ఈ విషయాన్ని ఐఫా నిర్వాహకులు వెల్లడించారు. కమల్ కు ఐఫా జీవితకాల సాఫల్య పురస్కారం రావడంతో ఆయనకు సోషల్ మీడియాలో శుభాకాంక్షలు తెలుపుతున్నారు.
చదవండి: Vimanam Movie: ‘విమానం’ నుంచి అనసూయ లిరికల్ సాంగ్ రిలీజ్
కమల్, ఇప్పటి వరకు తమిళం, తెలుగు, మలయాళం, హిందీ లాంటి పలు భాషల్లో దాదాపు 232 పైగా చిత్రాల్లో నటించారు. ఎన్నో అవార్డులు, పురస్కారాలు, రివార్డులు ఆయనకు దక్కాయి. ప్రస్తుతం కమలహాసన్.. దర్శకుడు శంకర దర్శకత్వంలో ఇండియన్ 2 సినిమాలో నటిస్తున్నారు. ఈ సినిమా చిత్రీకరణ ప్రస్తుతం చెన్నైలో జరుగుతోంది. ఈ సినిమాకు సంబంధించి తాను నటించిన సన్నివేశాలకు కమల్ డబ్బింగ్ కూడా పూర్తి చేసినట్లు తెలుస్తోంది.
