రౌడీ హీరో విజయ్ దేవరకొండకు సరైన హిట్ పడకపోయినా.. అతని క్రేజ్ ఏ మాత్రం తగ్గలేదు. కానీ ఈ యంగ్ హీరోకి యంగ్ టైగర్ ఎన్టీఆర్ రూపంలో గట్టి ఎదురు దెబ్బ తగిలినట్టు తెలుస్తోంది. లైగర్ సినిమా హిట్ అయితే.. రౌడీ రేంజ్ వేరే లెవల్లో ఉండేది. కానీ ఆ సినిమా ఫ్లాప్ అవడంతో.. విజయ్ దేవరకొండ సీన్ రివర్స్ అయిపోయింది. అందుకే రౌడీ చేయాల్సిన ప్రాజెక్ట్ ఎన్టీఆర్ చేతికి వెళ్లిపోయిందనే టాక్ నడుస్తోంది. గత రెండు రోజులుగా ‘వార్ 2’ మూవీతో ఎన్టీఆర్ బాలీవుడ్ ఎంట్రీ ఇస్తున్నట్టు సోషల్ మీడియా షేక్ అయిపోతోంది. అది కూడా హృతిక్ రోషన్‌తో కలిసి ఎన్టీఆర్ స్క్రీన్ షేరింగ్ అనేసరికి.. ఫ్యాన్స్ ఎగ్జైట్మెంట్ మామూలుగా లేదు. కానీ ఈ ప్రాజెక్ట్ విజయ్ దేవరకొండ చేజారిపోయినట్టు తెలుస్తోంది. లైగర్ సెట్స్ పై ఉన్నప్పుడే రౌడీకి బాలీవుడ్ నుండి పలు క్రేజీ ఆఫర్స్ వచ్చాయి. అందులో ‘వార్ 2’ కూడా ఒకటని అంటున్నారు. వార్ సినిమాను తెరకెక్కించిన డైరెక్టర్ సిద్దార్థ్ ఆనంద్.. విజయ్ దేవరకొండను స్పై యూనివర్స్‌లోకి తీసుకోవాలని అనుకున్నాడట. కానీ ఇప్పుడు వార్2 డైరెక్టర్ మారిపోయాడు. బ్రహ్మాస్త్ర డైరెక్టర్ అయాన్ ముఖర్జీ టేకప్ చేస్తున్నాడు. బ్రహ్మాస్త్ర రిలీజ్ సమయంలో.. రాజమౌళితో కలిసి భారీగానే ప్రమోట్ చేశాడు ఎన్టీఆర్. ఆ సమయంలోనే అయాన్ ముఖర్జీతో తారక్‌కు రాపో పెరిగింది. అందుకే ఎన్టీఆర్ చేతికి ఈ ప్రాజెక్ట్ వచ్చిందనే వార్తలు వినిపిస్తున్నాయి. ఇదే నిజమైతే.. విజయ్ దేవరకొండకు ఇది గట్టి ఎదుదెబ్బేనని చెప్పొచ్చు. అయితే ఇందులో అసలు నిజముందా.. రౌడీకి ఇంత పెద్ద ఛాన్స్ వస్తే వదులుకుంటాడా.. అనేది టౌడే. కాబట్టి దీని గురించి ఇప్పుడే క్లారిటీగా చెప్పలేం.
