టోవినో థామస్(Tovino Thomas) హీరోగా నటించిన మలయాళ మూవీ 2018 కేరళ బాక్సాఫీస్‌ని షేక్ చేసేసింది. కేవలం 16 కోట్ల బడ్జట్‌తో తెరకెక్కిన ఈ సినిమా.. ఇప్పటివరకు 180 కోట్లకి పైగా వసూళ్లను రాబట్టి.. 200 కోట్ల దిశగా పరిగెడుతూ.. అక్కడ రాబట్టి ఇండస్ట్రీ హిట్‌గా నిలిచేలా ఉంది. దాంతో ఈ సినిమాను తెలుగులో గీత ఆర్ట్స్ 2 బ్యానర్ పైన బన్నీ వాసు డబ్బింగ్ చేసి రిలీజ్ చేశాడు. అంతంత మాత్రమే ప్రమోషన్స్‌తో థియేటర్లోకి వచ్చిన 2018 మూవీకి.. తెలుగు సినీ అభిమానులు భారీ విజయాన్ని ఇచ్చారు. దాంతో భారీగా కలెక్షన్స్ వస్తున్నాయి.
చదవండి: Unstoppable Trailer: ‘బిగ్ బాస్5’ విన్నర్ వీజే సన్నీ ‘అన్‌స్టాపబుల్’ ట్రైలర్ రిలీజ్
రోజు రోజుకీ కలెక్షన్స్ పెరుగుతూనే ఉన్నాయి. ఈ వారం రిలీజ్ అయిన తెలుగు సినిమాల్లో ఏది కూడా సాలిడ్ హిట్ టాక్ రాబట్టలేకపోయింది. దాంతో మరో వారం పాటు ఈ సినిమాదే హవా ఉండే ఛాన్స్ ఉంది. తెలుగులో రెండు కోట్ల రూపాయిల ప్రీ రిలీజ్ బిజినెస్ చేసుకున్న ఈ సినిమా.. మొదటి వారంలో మూడు కోట్ల యాభై లక్షల రూపాయిల షేర్ వసూలు చేసింది. గ్రాస్ ప్రకారం ఏడున్నర కోట్లు రాబట్టింది. ఇక 8 రోజుల్లో 8.21 కోట్ల గ్రాస్‌ను రాబట్టింది. దీంతో ఫస్ట్ వీక్‌లోనే ఈ సినిమా దాదాపు రెండు కోట్ల వరకు లాభాలను తెచ్చిపెట్టిందని చెప్పాలి.
చదవండి: Avika Gor: భయపెట్టడానికి సిద్దమైన అవికా గోర్… ‘1920 హర్రర్ ఆఫ్ ది హార్ట్’ ట్రైలర్ రిలీజ్
అంతేకాదు ఈ వీకెండ్ వరకు 10 కోట్ల మార్క్‌ని టచ్ చేస్తుందని అంటున్నారు. 2018లో కేరళలో వచ్చిన వరదల నేపథ్యంలో తెరకెక్కిన ఈ సినిమా ఎమోషనల్ డ్రామాకు ఆడియెన్స్‌ చాలా కనెక్ట్ అయిపోయారు. చాలా తక్కువ బడ్జెట్ లో నిర్మితమైన ఈ సినిమాను.. ఆంటోని జోసెఫ్ దర్శకత్వం వహించాడు. అయితే ఇంకా థియేటర్లో రన్ అవుతున్న ఈ సినిమాను.. జూన్ 7 నుంచి సోనీ లివ్‌లో డిజిటల్ స్ట్రీమింగ్ చేయనున్నారు. ఏదేమైనా కాంతార, బిచ్చగాడు 2 వంటి డబ్బింగ్ సినిమాల తర్వాత.. తెలుగులో భారీ విజయాన్ని అందుకుంది 2018 సినిమా.
చదవండి: Annapoorna Photo Studio: విశ్వక్ సేన్ చేతుల మీదుగా ‘అన్నపూర్ణ ఫోటో స్టూడియో’ సాంగ్ లాంచ్
