Hyderabad: ఆదాయానికి మించి అక్రమాస్తుల కేసులో హెచ్ఎండీఏ మాజీ డైరెక్టర్ శివబాలకృష్ణ అరెస్ట్ అయిన విషయం తెలిసిందే. అయితే శివ బాలకృష్ణ కస్టడీకి ఏసీబీ కోర్టు 8 రోజులు అనుమతిచ్చింది. ప్రస్తుతం అతను చంచల్‌గూడ జైల్లో రిమాండ్ ఖైదీగా ఉన్నారు. అక్రమాస్తుల కేసులో అరెస్టయిన ఆయనని ఏసీబీ అధికారులు 8 రోజులు విచారించనున్నారు. మణికొండ పుప్పాలగూడ సెక్రటేరియట్‌కాలనీ ఆదిత్య పోర్ట్‌వ్యూ విల్లాతోపాటు, ఆయన సన్నిహితులు, బంధువులకు సంబంధించిన మొత్తం 16 ప్రాంతాల్లో ఏసీబీ అధికారులు సోదాలు జరిపారు.
ఇది కూడా చూడండి: Viral News: ఉత్తరాఖండ్ ఆలయంలో చిరుత కలకలం
ఈ సోదాల్లో శివబాలకృష్ణ ఆదాయానికి మించి ఆస్తులు ఎక్కువగా ఉన్నాయి. ఏసీబీ అధికారులు రూ.8.26 కోట్ల నగదును సీజ్ చేశారు. మొత్తం స్థిరాస్తుల మార్కెట్ విలువ సుమారు రూ.వంద కోట్లు ఉంటుందని అంచనా వేస్తున్నారు. అక్రమంగా సంపాదించిన డబ్బుతో శివబాలకృష్ణ ఎక్కువగా భూములు కొన్నట్లు ఏసీబీ గుర్తించింది. ఇలా దాదాపు వందెకరాలు కొనుగోలు చేసినట్లు సమాచారం. హైదరాబాద్ శివార్లతోపాటు కొడకండ్ల, కల్వకుర్తి, యాదాద్రి, జనగామల్లో గుర్తించారు. అలాగే పలు కంపెనీల్లో పెట్టుబడులు కూడా పెట్టారు.
ఇది కూడా చూడండి: Viral News: 103 ఏళ్ల వృద్దుడితో మహిళ వివాహం
