Earthquake : ఇండోనేషియాలోని అచే ప్రావిన్స్‌లో శనివారం భారీ భూకంపం సంభవించింది. ఈ బలమైన భూకంపం తీవ్రత రిక్టర్ స్కేలుపై 5.9గా నమోదైంది. అయితే ఈ ప్రకంపనల కారణంగా ప్రాణ, ఆస్తి నష్టం జరిగిందా అనే వివరాలు ఇంకా తెలియరాలేదు. అచే ప్రావిన్స్‌లోని సినాబాంగ్ తీర పట్టణానికి తూర్పున 362 కిలోమీటర్ల దూరంలో 10 కిలోమీటర్ల లోతులో భూకంపం కేంద్రీకృతమైందని యూఎస్ జియోలాజికల్ సర్వే తెలిపింది.
చదవండి: PM Kisan : పీఎం కిసాన్ సమ్మాన్ 16వ విడుత నిధులు ఖాతాల్లో పడేది ఆ రోజే
అయితే ఈ భూకంపం వల్ల సునామీ వచ్చే ప్రమాదం లేదని, అయితే మళ్లీ ప్రకంపనలు వచ్చే అవకాశం ఉందని ఇండోనేషియా వాతావరణ, భూభౌతిక సంస్థ హెచ్చరించింది. ఇండోనేషియా 270 మిలియన్ల కంటే ఎక్కువ జనాభా కలిగిన విస్తారమైన ద్వీపసమూహం, పసిఫిక్ బేసిన్‌లోని అగ్నిపర్వతాలు, ఫాల్ట్ లైన్‌ల ఆర్క్ అయిన “రింగ్ ఆఫ్ ఫైర్” లోపల ఉంది. అందుకే ఇక్కడ తరచుగా భూకంపాలు, అగ్నిపర్వత విస్ఫోటనాలు సంభవిస్తుంటాయి.
An #earthquake with a magnitude of 6.3 jolted off #Indonesia's western province of Aceh on Saturday without causing giant waves, the country's meteorology, climatology and geophysics agency said. pic.twitter.com/D1XDvBm7ZH
— IANS (@ians_india) December 30, 2023
చదవండి: Gold ATM: భాగ్యనగరంలో గోల్డ్ ఏటీఎం.. ఎక్కడంటే?
గత ఏడాది నవంబర్ 21న పశ్చిమ జావాలోని సియాంజూర్ నగరంలో 5.6 తీవ్రతతో సంభవించిన భూకంపంలో 331 మంది మరణించగా, దాదాపు 600 మంది గాయపడ్డారు. 2018లో కూడా అదే దేశంలో భూకంపం, సునామీ కారణంగా 4,340 మంది ప్రాణాలు కోల్పోయారు.
